NDZIMA 11
Tindhawu Ta Wugandzeli
VAGANDZELI va ntiyiso va Yehovha va nyikiwe nkongomiso wa leswaku va tlhangana leswaku va djondzisiwa ni ku tiyisana. (Heb. 10:23-25) Ndhawu ya ku sungula ya wugandzeli ya vanhu lava va nga langiwa hi Xikwembu, ku nga Vayisrayele a ku li “tabernakela, ku nga tende la ntlhanganu.” (Eks. 39:32, 40) Hi ku famba ka nkama, Solomoni n’wana wa Davhida a yake yindlo kumbe tempele leswaku ku dzunisiwa Xikwembu ka yona. (1 Tih. 9:3) Ndzhaku ka loko tempele li helisiwile hi lembe la 607 A.E.C., Vayuda va sungule ku tlhangana leswaku va gandzela Xikwembu ka tindhawu leti vitaniwaka masinagoga. Kambe hi ku famba ka nkama, tempele yi tlhele yi pfuxetiwa naswona a yi tirhisiwa tanihi ndhawu ya lisima hintamu ya wugandzeli la ntiyiso. Yesu a djondzise ka masinagoga ni ka tempele. (Luk. 4:16; Yoh. 18:20) A yendle mintlhanganu ya ku tala hambi hi ka tintshava. — Mat. 5:1–7:29.
2 Loko Yesu se a file, Vakreste a va tlhangana ka tindhawu ta vanhu hinkwavu kumbe ka makaya ya vamakwerhu leswaku va djondza Matsalwa ni ku tlhela va tlhangana ni Vakreste van’wani. (Min. 19:8, 9; Rom. 16:3, 5; Kol. 4:15; Flm. 2) Minkama yin’wani a swi lava va tlhangana ka tindhawu ta le kule leswaku va nga tshuki va petiwa djele hi valala. Phela vatirheli va Yehovha va minkama yi nga hundza a va swi navela hintamu ku tlhangana ka tindhawu ta ku gandzela ka tona leswaku va “djondzisiwa hi Yehovha.” — Esa. 54:13.
3 Namuntlha, tindhawu ta vanhu hinkwavu kumbe makaya ya vamakwerhu swa tirhisiwa leswaku ku yendliwa mintlhanganu ya Wukreste. Makaya ya vamakwerhu minkama ya ku tala ya tirhisiwa leswaku ku yendliwa ntlhanganu wa ntirho wa nsimu. Lava va nyikelaka makaya ya vona leswaku ku yendliwa mintlhanganu leyi, va swi teka tanihi nkateko. Van’wani va pimisa swaku ku nyikela munti wa vona swaku va tlhangana ka wona, swi tiyisa lipfumelo la vona.
YINDLO YA WUGANDZELI
4 A ndhawu ya lisima swinene leyi Timboni ta Yehovha ti tlhanganaka ka yona i ka Yindlo ya Wugandzeli. Hi ntolovelo ku xaviwa ndhawu ku gama ku yakiwa Yindlo ya Wugandzeli ka yona kumbe minkama yin’wani ku xaviwa prediyu leli se li nga kona li gama li txintxiwa li va Yindlo ya Wugandzeli. Leswaku ku popariwa male ni leswaku Tiyindlo ta Wugandzeli ti tirhisiwa kahle, mabandla ya manyingi ma nga tirhisa Yindlo ya Wugandzeli yoleyi ya yin’we loko leswo swi tirha. Ka tindhawu tin’wani swi lava ku lugariwa ndhawu. Loko ku yakiwa Tiyindlo ta Wugandzeli, kumbe Yindlo ya Wugandzeli yi pfuxetiwa hi ku helela, swa fanela swaku ku va ni ntlhanganu wa ku nyiketela Yindlo yoleyo ya Wugandzeli. Kambe loko a Yindlo ya Wugandzeli yi pfuxetiwa swilo swaswitsongo, a swi bohi leswaku ku yendliwa ntlhanganu wa ku nyiketeliwa ka Yindlo yoleyo ya Wugandzeli.
5 Yindlo ya Wugandzeli a yi fanelanga yi va yindlo ya ku dura ku tlula mpimu leyi nga yendleliwa ku hlamalisa vanhu. Hambileswi Tiyindlo ta Wugandzeli ti nga ha hambanaka hi ku ya hi ndhawu ya kona ti fanele ti va leti ti tirhaka kahle. (Min. 17:24) Hi ku ya hi swiyimu swa ndhawu ya kona, yi fanele yi va ndhawu yayinene ni ya ku tshamiseka leswaku ku yendliwa mintlhanganu ya Wukreste.
6 Mabandla hinkwawu ya Timboni ta Yehovha ma nga pfunisa leswaku a Yindlo ya Wugandzeli yi tirha kahle ma tlhela ma hamba a manutenção ya Yindlo ya vona ya Wugandzeli. Phela a ku hlengisiwi male naswona munhu a nga vekeliwi male leyi a faneleke a yi humesa. Ku ni kaxa la minyikelo leli vanhu hinkwavu lava yaka amintlhanganwini va nga petaka male ka lona leswaku yi pfunisa ka swilaveko swa Yindlo ya Wugandzeli. Kambe hinkwavu lava va yendlaka leswo va swi yendla hi ku swi rhandza ni hi mbilu hinkwayu. — 2 Ko. 9:7.
7 Hinkwavu abandleni va swi teka na swi li nkateko ku pfunisa hi male ka Yindlo ya Wugandzeli kumbe ku hamba limpeza leswaku Yindlo ya Wugandzeli yi hlayiseka. Hi ntolovelo, doda kumbe mupfunisi wa bandla a vekiwa swaku a yendla programa la limpeza. Hi ntolovelo a limpeza li yendliwa hi ntlawa wa nsimu naswona mulanguteli wa ntlawa hi yena a vonelelaka ntirho lowu. Yindlo ya Wugandzeli yi fanele yi mu nyimela kahle Yehovha ni nhlengeletanu ya yena hi ndzeni ni hi le handle.
Hinkwavu abandleni va swi teka na swi li nkateko ku pfunisa hi male ka Yindlo ya Wugandzeli kumbe ku hamba limpeza leswaku Yindlo ya Wugandzeli yi hlayiseka
8 Loko a Yindlo ya Wugandzeli yi tirhisiwa hi mabandla ya ku tlula lin’we, madoda ya mabandla wolawo ma fanele ma vumba Comissão la Manutenção la Yindlo ya Wugandzeli leswaku li vonelela mintirho leyi yi yelanaka ni Yindlo yoleyo ya Wugandzeli. Mintlawa ya madoda yi langa makwerhu mun’we leswaku a va yena mutlhanganisi wa comissão lolelo. A Comissão la Manutenção la Yindlo ya Wugandzeli, hi ku landza minkongomiso ya ntlawa wa madoda li vonelela limpeza li tlhela li tiyiseka swaku a Yindlo ya Wugandzeli yi hambiwa manutenção nkama ni nkama ni leswaku ku ni switirhisiwa swa ku yenela leswaku mintirho yoleyo yi yendliwa. Phela leswo swi lava leswaku mabandla hinkwawu ma tirhisana kahle.
9 Loko mabandla ya ku tala ma tirhisa Yindlo ya Wugandzeli yoleyo ya yin’we, swi nga yendleka va txintxana masiku ni minkama leyi va khomaka hi yona mintlhanganu. Madoda ma ta yendla leswo na ma veka swilaveko swa van’wani phambheni ka swa vona ni ku kombisa lirhandzu. (Filp. 2:2-4; 1 Pe. 3:8) A ku na bandla leli li faneleke li tivona na li ni mfanelo ya ku yendla swiboho swa mabandla man’wani. Loko mudjikelezi wa sirkwitu a yendzela lin’we la mabandla lawa ma tirhisaka Yindlo ya Wugandzeli yoleyi ya yin’we, mabandla man’wani ma ta txintxa nkama ni masiku lawa ma nghenaka hi wona mintlhanganu loko leswo swi laveka ka vhiki lolelo.
10 A Yindlo ya Wugandzeli yi nga tirhisiwa leswaku ku vekiwa madixkursu ya michadu ni ya swilahlu, kambe ku sungula swi lava mpfumelelo wa Comissão la Ntirho wa Bandla. Madoda wolawo ma fanele ma swi kambisisa kahle leswi nga kombeliwa ma tlhela ma yendla swiboho hi ku landza nkongomiso lowu wu taka hi betele.
11 Ku nyimeliwa swaku lava va pfumeleliwaka swaku va tirhisa Yindlo ya Wugandzeli leswaku va yendla mintirho leyo, va yendla swilo hi ndlela leyi yi fanelaka Vakreste va ntiyiso. Ka Yindlo ya Wugandzeli a ku fanelanga ku yendliwa minchumu leyi solekaka ka Vakreste va ntiyiso kumbe nchumu lowu wu nga chimisaka a vito la Yehovha ni ndhuma yayinene leyi bandla li nga na yona. (Filp. 2:14, 15) Hi ku kongomisiwa hi betele, a Yindlo ya Wugandzeli yi nga ha tirhiseliwa mintirho yin’wani, ya ku fana ni Xikola xa Madoda ni Xikola xa Vapfuli va Ndlela.
12 Minkama hinkwayu bandla li ta teka Yindlo ya Wugandzeli na yi li ya lisima. Hi mhaka leyo ndlela leyi hi yambalaka hi yona, ndlela leyi hi tikhomaka hi yona yi fanele yi fambisana ni ku gandzela Yehovha. (Ekl. 5:1; 1 Tm. 2:9, 10) Loko hi landzelela minkongomiso leyi hi nyikiwaka yona, hi ta va na hi kombisa leswaku hi yi teka na yi li ya lisima mintlhanganu ya hina ya Wukreste.
13 I swa lisima swaku swilo swi famba hi ndlela ya kahle nkama lowu mintlhanganu yi fambaka. Ku kutxiwa vapsali leswaku va tshama ni vana va vona. I swinene kuva vapsali lava va nga ni vana vavatsongo va tshama kusuhi ni nyanghwa leswaku va nga kavanyeti mintlhanganu loko swi lava va huma na vona leswaku va ya va laya kumbe ku va pfuna hi swin’wani leswi va swi lavaka.
14 Vamakwerhu van’wani lava va fanelekaka va nga vekiwa leswaku va va varindzi ka Yindlo ya Wugandzeli hi nkama wa mintlhanganu. Vamakwerhu lava va fanele va tshama na va pfule matihlo naswona va li vanhu lava nghenekaka va tlhela va yendla swilo hi wutlharhi. Ntirho wa vona wu patsa ku hoyozela lava vo ngo ho sungula ku ta mintlhanganwini, ku pfuna lava va nga xwela leswaku va kuma ndhawu ya ku tshama, ku konta lava nga kona mintlhanganwini ni ku tiyiseka swaku ka Yindlo ya Wugandzeli a ku hisi ngopfu naswona a ku titimeli ngopfu. Loko swi laveka, varindzi va nga ha khumbukisa vapsali swaku va vonelela vana va vona loko mintlhanganu yi famba leswaku va nga tsutsumi ndzeni ka Yindlo ya Wugandzeli va ya hala ni hala kumbe va ya tlanga apalku na mintlhanganu yi nga se sungula kumbe loko se yi helile. Loko n’wana a nga tshamiseki naswona a sungula ku vanga guwa, murindzi a nga ha kombela papayi kumbe mamani hi lirhandzu leswaku a huma ni n’wana yelweyo leswaku a nga kavanyeti vamakwerhu van’wani. Phela ntirho wa varindzi i wa lisima swinene leswaku vamakwerhu hinkwavu va pfuneka hi mintlhanganu ya bandla. Loko swi koteka, swa yampsa varindzi ku li madoda ni vapfunisi va bandla.
KU YAKIWA KA TIYINDLO TA WUGANDZELI
15 Ka minkama ya vapostolo, a ku ni Vakreste van’wani lava a va ganyile ni van’wani lava a va nga ganyanga. Hi mhaka leyo, Pawulo a tsale leswi: “Leswi mi nga ni swa swinyingi swoswi mi nga swi kota ku va pfuna. Se loko siku lin’wana na vona va va ni swa swinyingi va ta mi pfuna, leswaku ku va ni ku ringana.” (2 Ko. 8:14) Ninamuntlha ku ni “ku ringana” hilani a swi li ha kona ka nkama wa vapostolo. Hi vula leswo hikusa a minyikelo leyi yi nyikeliwaka mabandleni amisaveni hinkwayu, ya tirhisiwa leswaku ku yakiwa Tiyindlo ta Wugandzeli ti tlhela ti pfuxetiwa. Nhlengeletanu yi yi khensa swinene minyikelo leyi vamakwerhu va yi nyikelaka amisaveni hinkwayu naswona vamakwerhu lava va pfunekaka hi yona, na vona va yi tlangela minyikelo yoleyo.
16 Hi ku ya hi swiyimu, betele hi lona li vulaka swaku hi yini Yindlo ya Wugandzeli leyi bandla lin’wani ni lin’wani li nga ta yi tirhisa. Naswona hi lona li langaka lani Yindlo ya Wugandzeli yi nga ta yakiwa kona ni siku leli yi nga ta sungula ku yakiwa hi lona, ni ku pfuxetiwa ka Tiyindlo ta Wugandzeli leti se ti nga kona. Loko ku humelela tinghozi li yendla malulamiselo leswaku ku lunghisiwa Tiyindlo ta Wugandzeli ni tiyindlo ta vamakwerhu leti ti nga wonheka.
17 Betele hi lona li pfumelelaka vavhuluntariyu leswaku va pfunisa ka ku xava leswi lavekaka ni ku yendla maprojetu ya Tiyindlo ta Wugandzeli naswona li tlhela li tirhisana na vona leswaku li va pfuna ku kuma maphepha lawa ma va pfumelelaka ku yaka, va pfunisa ka ku yaka ni ku lunghisa Tiyindlo ta Wugandzeli. Leswi ku nga ni xilaveko xa Tiyindlo ta Wugandzeli ka matiko ya ku tala, ku laveka vavhuluntariyu va vanyingi. Vachumayeli va ku tala lava nga tsakamisiwa naswona va fanelekaka funtshi va swi navelaka ku pfunisa, va kutxiwa ku prenxera ma petição va ma nyikela ka Comissão la Ntirho wa Bandla la vona. Vachumayeli va ku kala va nga tsakamisiwanga na vona va nga pfunisa ka ku yaka ni ku pfuxeta Tiyindlo ta Wugandzeli.
MA SALÃO YA MASEMBLEYA
18 Vakreste va minkameni ya vapostolo hi ntolovelo a va tlhangana hi mintlawa yayitsongo. Kambe minkama yin’wani a va tlhangana hi mintlawa yayikulu. (Min. 11:26) Ninamuntlha, vanhu va Yehovha va yendla mintlhanganu yayikulu leyi vitaniwaka masembleya ya sirkwitu ni makongresu. Minkama ya yinyingi ku lugariwa ndhawu leswaku ku yendliwa mintlhanganu leyi. Kambe lomu ku kalaka ku nga na tindhawu leti fanelekaka ni tatinene leswaku ku yendliwa mintlhanganu leyi, ku nga ha yakiwa a salão la masembleya.
19 Minkama yin’wani ku xaviwa prediyu kumbe li pfuxetiwa leswaku li va Salão la Masembleya. Kambe minkama ya ku tala ku xaviwa terenu leswaku ku yakiwa Salão la Masembleya. A ma Salão ya Masembleya ma hambana hi ku kula ka wona hi ku ya hi xilaveko xa ndhawu yoleyo. A betele lo yendla xiboho xa ku xava kumbe li yaka a prediyu swaku li va Salão la Masembleya kumbe la makongresu loko li rhangile hi ku kambisisa swaku i male muni yi nga ta tirhisiwaka ni swaku a Salão lolelo li ta tirhisiwa kangani hi lembe.
20 Betele li langa lava va nga ta vonelela leswi Salão la Masembleya li nga ta tirhisisiwa xiswona va tlhela va li hlayisa. Ku yendliwa malulamiselo leswaku sirkwitu lin’wani ni lin’wani li yendla limpeza nkama ni nkama, limpeza leli yendliwaka na ku nge se hundza 6 wa tiwheti ku tlhela ku lunghisiwa leswi swi nga ta wonheka ka tindhawu toleto. Vamakwerhu va pfuneka hi ku tinyikela leswaku va tirha ka ntirho lowu. Hi mhaka leyo, mabandla ma kombeliwa swaku ma seketela mintirho leyi hi mbilu hinkwayu. — Ps. 110:3; Mal. 1:10.
21 Minkama yin’wani ma Salão ya Masembleya ma nga ha tirhiseliwa maprograma man’wani, ya ku fana ni swikola swa Bibele ni mintlhanganu ya ku hlawuleka ya vadjikelezi. Ku fana ni Yindlo ya Wugandzeli, a Salão la Masembleya i ndhawu leyi nga nyiketeliwa leswaku hi gandzela Yehovha ka yona. Hi mhaka leyo, loko hi tlhangana ka ma Salão ya Masembleya, ndlela leyi hi yambalaka hi yona, leyi hi tilunghisaka hi yona ku patsa ni leswi hi swi yendlaka swi fanele swi xiximeka ku fana ni loko hi tlhangana ka Yindlo ya Wugandzeli.
22 Ka masiku lawa ya wugamu, vanhu va vanyingi va nghena ka nhlengeletanu ya Yehovha Xikwembu. Leswo swi kombisa leswaku Yehovha wa yi katekisa nhlengeletanu ya yena. (Esa. 60:8, 10, 11, 22) Hi mhaka leyo, hi lava ku yendla hinkwaswu leswi hi nga swi kotaka leswaku hi seketela swilo hinkwaswu leswi swi lavekaka swaku ku va ni tindhawu ta wugandzeli leti ti nga basa ni leti ti nga tinene hi tlhela hi ti hlayisa. Loko hi yendla leswo, hi kombisa leswaku ha ti tlangela tindhawu toleto hikusa ti hi pfuna leswaku hi tiyisana ngopfungopfu leswi hi vonaka siku la Yehovha li tshinela.