DJONDZO 1

Xingheniso Lexi Humelelaka

Mintirho 17:22

U FANELE U YENDLA YINI? Xingheniso xa wena xi fanele xi koka yingiso wa vayingiseli va wena; xiva pfuna kutiva nhlokomhaka ni kuva nyika xivangelo lexi yendlaka leswaku va yitsakela.

UNGASWI YENDLISA KUYINI?

Koka yingiso wa vayingiseli va wena. Langa xivutiso, nhlokomhaka, ntokoto wa wutomi kumbe mahungu yokarhi lawa mangata kokaka yingiso wa vayingiseli va wena.

Rhanga hi kuyanakanyisisa swinene hi leswi tsakisaka kumbe leswi karhataka vayingiseli va wena ivi u twananisa xingheniso xa wena ni swiyimo swoleswo.
Tiva nhlokomhaka ya wena. Tiyiseka leswaku xingheniso xa wena xita yendla leswaku a nhlokomhaka swin’we ni xikongomelo xa mabulu ya wena swi twisiseka hi kuvevuka ka vayingiseli va wena.
Kombisa leswaku hayini nhlokomhaka yi li ya lisima. Twananisa leswi uswi vulaka ni swilaveko swa vayingiseli va wena. Va fanele va twisisa hi kuhelela ndlela leyi nhlokomhaka ya wena yingava pfunaka ha yona.

Loko u li karhi u lunghiselela nkulumi, ti vutisi: ‘Xana vamakwerhu vaxinuna ni vaxisati abandleni va hlangavetana ni swiyimo swihi?’ Ndzhaku ka leswo, twananisa xingheniso xa wena ni swilaveko swa vona.