Kuveka Timhakankulu a Livaleni

Vaheveru 8:1

U FANELE U YENDLA YINI? Pfuna vayingiseli va wena leswaku vaku landzisela loko u veka nkulumi, naswona kuveke livaleni kuyelana ka mhakankulu yin’wana ni yin’wana ni nhlokomhaka swin’we ni xikongomelo xa yona.

UNGASWI YENDLISA KUYINI?

• Vana ni xikongomelo. Kambisisa leswaku hi xihi xikongomelo xa nkulumi ya wena. Xikongomelo xa nkulumi kungahava kuhlamusela, kukholwisa kumbe kususumetela vayingiseli va wena. Loko se u tiva xikongomelo, ntlhantlha mhaka ya wena hikuya hi xona. Timhakankulu ti fanele tiku pfuna leswaku u hetisisa xikongomelo xa yona.

• Kandzihisa nhlokomhaka ya nkulumi ya wena. Loko u li karhi u veka nkulumi, kandzihisa nhlokomhaka hi kuphinda maritonkulu kumbe lawa ma yelanaka na yona.

• Yendla timhakankulu ta wena ti twisiseka hi kuwolova. Hlawula timhakankulu leti yelanaka ni nhlokomhaka ntsena, leswi switaku pfuna leswaku u djondzisa ndzeni ka nkama lowu unga nyikiwa wona. Veka masungulu ni magamu ya mhakankulu yin’wana ni yin’wana. Ntlhantlha mhakankulu yin’wana ni yin’wana naswona koka moya na ungese hundza. Hundza hi ndlela ya ntumbuluku loko u ya ka yin’wanyana.