DJONDZO 15

Kuvulavula hi Kutiyiseka

1 Vatesalonika 1:5

U FANELE U YENDLA YINI? Kombisa ka vayingiseli va wena leswaku wa kholwa hilaha kuheleleke ka ntiyiso ni lisima la rungula la wena.

Lunghiselala nkulumi ya wena hi kuhelela. Djondza rungula la nkulumi ya wena leswaku u twisisa leswi timhakankulu tiswi vulaka ni ndlela leyi matsalwa ma kombisaka hi yona leswaku i ntiyiso. Ringeta kuvula timhakankulu hi marito matsongo. Dzikisa miyanakanyo ka ndlela leyi nkulumi yingata pfuna vayingiseli hi yona. Khongela u kombela moya wokwetsima.

Titoloveti nkulumi ya wena hi rito leli twalaka leswaku uyi tiva kahle ni leswaku uta yampsisa ma vekela ya wena.
Tirhisa marito lama kombisaka kutiyiseka. Matshan’wini yaku phindha marito hilaha manga tsaliwa ha kona ka nkandzihiso, vulavula hi marito ya wena. Tirhisa mavulavulelo lawa ma kombisaka leswaku wa tiyiseka hi leswi uswi vulaka.
Tiphofule hi kukholwiseka ni kutshembeka. Vulavula hi mpfumawulo lowu twalaka. Minkama hinkwayo, languta vayingiseli va wena loko swi pfumeleliwa amugangeni wa wena.

Loko u li karhi u veka nkulumi, tivoneli leswaku unga sindzisi vayingiseli kuva va landzela mavonelo ya wena, kumbe kuvulavula hi ndlela leyi kombisaka leswaku awu na mhaka ni ndlela leyi va titwaka hi yona. Hambiloko u vulavula hi kutiyiseka, khutaza vayingiseli va wena hi ndlela ya lirhandzu.