DJONDZO 17

Kuveka Mhaka hi Ndlela Leyi Twisisekaka ka Van’wana

1 Vakorinto 14:9

U FANELE U YENDLA YINI? Pfuna vayingiseli leswaku va khomelela ka nhlamuselo wa rungula la wena hi kuwolova.

Djondza rungula la nkulumi ya wena hi kuhelela. U fanele uyi twisisa kahle nhlokomhaka leswaku uta kota kuyi hlamusela hi marito ya wena ni hi ndlela yowolova.
Vulavula hi marito matsongo. Hambileswi swi pfumeleliwaka kuvula swotala hi nkama wun’we, boxa timhakankulu hi marito matsongo lama twisisekaka.

Hunguta wuxokoxoko lelinga pfuniki ngopfu kumbe leli tlhanyisaka nhloko. Veka nkulumi hi ndlela yowolova kunga li hi leyi swi karhataka kuyi twisisa.
Hlamusela marito lamanga tolovelekangiki. Hunguta kutirhisa marito kumbe swiga leswi kalaka swinga tolovelekanga ka vayingiseli va wena. Loko swi boha kuva u tirhisa marito lamanga tolovelekangiki, vanhu va minkameni ya Bibele, swa kupima hi swona kumbe mikhuva ya khale, u fanele uswi hlamusela.