Switsundzuxu Ka Lava Taka Ka Kongresu Leyi

LESWI NGA LAHLEKA SWI TLHELA SWI THUMBIWA Swilo hinkwaswu leswi thumbiweke swi fanele swi yisiwa ka Departamentu Ya Leswi Nga Lahleka Swi Tlhela Swi Thumbiwa. Loko u lahlekeliwe hi nchumu, yana ka departamentu leyi leswaku u ya kamba swilo swa wena. Vana lava nga lahlekelana ni vapsali va vona va fanele va yisiwa ka ndhawu leyi. Kambe hi kombela leswaku mi hlayisa vana va n’wina naswona mi tshama na vona leswaku hi nga karhateki.

MINYIKELO Ku tirhisiwe male ya yinyingi swaku ku lunghiseleliwa ndhawu ya ku yenela leswaku ku tshamiwa ka yona, michini ya ku kulisa marito, swa ku kombisa hi swona mavhidiyo ni mintirho yin’wani ya yinyingi leyi yendlaka leswaku hi swi tsakela ku va ka kongresu leyi ni ku hi pfuna leswaku hi tshinela ka Yehovha. Minyikelo ya n’wina ya ku tirhandzela yi pfuneta leswaku ku hakeliwa swilo leswi ni ku pfuneta ka ntirho wa misava hinkwayu. Leswaku swi ku vevukela ku nyikela, ku ni makaxa lama vekiweke ka tindhawu ta ku hambanahambana kola ka kongresu leyi. U nga ha nyikela hi ku tirhisa interneti ka donate.jw.org. Hinkwayu minyikelo ya n’wina ya khensiwa swinene. Naswona Ntlawa Lowu Rhangelaka wa mi khensa hinkwenu hileswi mi seketelaka ntirho wa Mfumu wa Xikwembu.

NTIRHO WA KU TIRHANDZELA Loko u tsakela ku pfuneta ka mintirho ya ku hambanahambana ka kongresu leyi, hi kombela u tivisa Departamentu Ya Vatirhi Va Ku Tirhandzela.

NTSAKAMISO Switshamu swa lava yaka ku tsakamisiweni swi ta vekiwa phambeni ka palku, kambe loko swi nga li tanu, swi ta tivisiwa. Lava yaka ku tsakamisiweni va fanele va tshama ka ndhawu leyi va nga vekeliwa yona na nkulumi ya ntsakamiso yi nga se sungula, hi Sábado nimixo. Mun’wani ni mun’wani a fanele a ta ni thawula naswona a yambala mpahla leyi hloniphekaka loko a ya ku tsakamisiweni.

SWITSHAMU Hi kombela u yanakanyela van’wani. Khumbuka leswaku a switshamu swi fanele swi vekeliwa ntsena swirho swa ndjangu wa wena ni lava u taka na vona amovheni, lava u tshamaka na vona kaya kumbe lava u djondzaka na vona Bibele. Hi kombela leswaku u nga veki swilo ka switshamu kumbe ka tindhawu leti u nga ta kala u nga ti tirhisi.

VAKONGOMISI Vakongomisi va vekiwe leswaku va ku pfuna. Hi kombela leswaku u tirhisana kahle na vona, u yingisa nkongomisu wa vona mayelana ni ndhawu ya ku veka movha, ku kongomisa vanhu, ku vekela van’wani ndhawu ya ku tshama ni timhaka tin’wani.

XILAMULELA NGHOZI Khumbuka leswaku u ya kona ntsena loko u lava ku dahiwa swa xihantla.