U Nga Chavi

I Mpsini Leswi Yesu A Nga Swi Yendla?

VHIDIYO: Yesu A Chumayela Zakewu

1. Sixtira VHIDIYO, kumbe u lerha Luka 19:1-7. U gama u hlamula swivutiso leswi landzelaka:

1. Hi mhaka muni vanhu van’wani a va nga mu rhandzi Zakewu?

2. I mpsini leswi nga yendla swaku Yesu a chumayela Zakewu mahungu ya ku tsakisa?

Hi Djondza Yini Ka Leswi Yesu A Nga Swi Yendla?

2. Leswaku hi kota ku chumayela mahungu ya ku tsakisa ka vanhu hinkwavu hi fanele hi nga chavi nchumu.

Tekelela Xikombiso Xa Yesu

3. Tshemba Yehovha. Moya wa ku kwetsima wu pfune Yesu swaku a kota ku chumayela, na wena wu nga ku pfuna. (Mat. 10:19, 20; Luk. 4:18) Kombela Yehovha a ku pfuna swaku u nga chavi loko u chumayela vanhu lava tikombaka na va chavisa. — Min. 4:29.

4. U nga vi ni xikheto. Van’wani swi nga ha ku karhatela ku bula na vona hi mhaka ya leswi va nga tshamisa xiswona, mahanyelo ya vona, wukhongeli la vona, hileswi va nga ganya kumbe hileswi va nga swisiwana. Kambe khumbuka leswi:

1. Yehovha na Yesu va swi kota ku vona leswi nga ka timbilu ta vanhu kambe hina a hi swi koti.

2. A ku na munhu lweyi Yehovha a nga tsandzekaka ku mu pfuna swaku a txintxa wutomi la yena.

5. Vulavula na u nga chavi, kambe na u tivonela u tlhela u vulavula kahle. (Mat. 10:16) U nga holovi ni vanhu. Loko u vona swaku lweyi u bulaka na yena a nga swi lavi ku yingisa mahungu ya ku tsakisa kumbe u vona swaku a nga ha ku vavisa, swa yampsa u tsema mabulu. — Swiv. 17:14.