Hingama Sungulisa Kuyini Mabulu hi Kutirhisa Swiphephana?

Kusukela hi Janeiro wa 2018, a xibukwana xa hina xa mintlhanganu axi ni swikombiso swa kusungula mabulu. Hi khutaziwe kubula ni vanhu, kunga li kuva siyela mabuku ntsena. Akuva hiswi kota leswo, mavhidiyo ya kukomba masungulelo ya mabulu mahi djondzise kusungula mabulu ni vanhu hi kutirhisa Bibele ntsena. Hambileswo, leswi aswi lavi kuvula swona swaku ahingahatama tirhisa mabuku ya hina loko hi chumayela hi munti ni munti. Hi xikombiso, hingaha sungula mabulu hi ndlela leyinene hi kutirhisa swiphephana. Hingaswi yendlisa kuyini? Hingaswi yendlisa xileswi:

1. Mu yendli xivutiso lexinga ka xiphephana leswaku a langa nhlamulu.

2. Loko u pfula xiphephana, mu kombi ndzimana ya Bibele leyinga henhla, leyi hlamulaka xivutiso. Loko nkama wu pfumela, lerhani mi tlhela mi bula hi swin’wana leswinga ndzeni ka xiphephana.

3. Mu nyiki xiphephana u gama umu kombela swaku a sala axi lerha.

4. Na ungese famba, mu kombi xivutiso lexinga hala ndzhaku u gama umu byela swaku awu tsakela kutlhela umu yendzela leswaku mita bula hi xona.

Loko se u tlhelalela, bula na yena hi nhlamulu ya xivutiso lexi ungamu komba ka xiphephana. Loko u gama, mu siyeli xivutiso xin’wani swaku muta tlhela mu bula hi xona khambi li taka. Ungaha langa xivutiso ka site la hina kumbe ka buku lelinga kombisiwa andzaku ka xiphephana. Loko nkama wuku pfumelela, ringeta kusungula mabulu na yena hi broxura lelinge: Mahungu Yotsakisa Lamataka hi ka Xikwembu! kumbe buku lin’wani lelinga ka Switirho swa hina Swodjondzisa.