Unga Djondza Yini ka Tinsimu Leti Kombisiwaka ka Broadcasting?

Hi tihi tinsimu ta Broadcasting leti uti rhandzaka? Hi mhaka muni uti rhandza? Hi mavonelo ya wena, kunga va leswaku mavhidiyo ya tinsimu leti ma kombisa minchumu leyi humelelaka siku ni siku? Hambileswi ti vulavulaka hi timhaka ta kuhambana ni kuyimbeleliwa hi tindlela ta kuhambana, minkama hinkwayu ti kona letihi tsakisaka. Kambe tinsimu leti ni mavhidiyo ya kona aswi yendleliwanga kuhi tsakisa ntsena.

Ka lisimu lin’wana ni lin’wana, hinga djondza minchumu leyi hingayi tirhisaka nsin’wini ni ka wutomi la hina. Tin’wana ti vulavula hi kuhanana, kuva ni vun’we, kutiya nhlana, lirhandzu, lipfumelo ni kutiyisa wunghanu. Tin’wanyana ti vulavula hi kutlhelela ka Yehovha, kurivalela, kutshama u tshembekile ni kufikelela swikongometo leswingata tsakisa Yehovha. Hambi hi lisimu la kuvulavula hi matirhisela ya hina ya telefoni li kona phe! I mpsini swin’wana ungaswi djondza ka tinsimu ta Broadcasting?

SIXTIRA VHIDIYO LA LISIMU LA BROADCASTING LELINGE: YI KOLA KUSUHI, U GAMA U HLAMULA SWIVUTISO LESWI:

• Nuna na nsati lava hinga vona ka vhidiyo, va pimisa hi minkateko yihi leyi vangatayi kuma ka nkama lowu taka? — Gn 12:3

• I yini leswingatahi pfuna kukholwa swaku impela Yehovha ataswi yendla leswi aswi tshembisaka?

• I vamani lava u tsakelaka kutlhangana na vona amisaveni leyimpsha?

• Switshembiso swa Yehovha swa nkama lowu taka swihi pfunisa kuyini kutiyisela swikarhatu namuntlha? — Rhm 8:25