Tivoneli Leswaku U Nga Hangalasi Mavunhwa!

Namuntlha, swa vevuka kuva timhaka ti hangalaka hi ku hantlisa ka vanhu va ku tala, ku nga va hi radiyo, hi majornali, hi televhizori kumbe hi interneti. Kambe lava gandzelaka “Yehovha Xikwembu xa ntiyiso”, a va nge tshuki va hangalasa mavunhwa hambi hi ku phazama. (Ps 31:5; Eks 23:1) Phela ku hangalasa mhaka ya ku a hi ntiyiso ka vanhu van’wana, swi nga ha va ni nghozi swinene. Se loko hi twa nchumu, na hi nga se byela van’wana hi fanele hi tivutisa leswi:

• ‘Lweyi a nga vula mhaka leyi wa tshembeka?’ Phela lweyi a ku byelaka mhaka ya kona, swi nga yentxeka a nga tivi hinkwaswu hi yona. Loko munhu a twa nchumu a gama a ya byela mun’wana, a tolovela ku chela xinyalani. Se tivoneli loko u nga swi tivi swaku mhaka yi sungule kwini. Leswi madoda ni vapfunisi va bandla va tshembiwaka hi vamakwerhu, va fanele va tivonela ka timhaka leti va ti byelaka van’wana

• ‘Yi ta chimisa vito la munhu?’ Loko u vona swaku ku ni lweyi a chimisiwaka hi mhaka ya kona, swa yampsa u nga yi byeli munhu. — Swiv 18:8; Flp 4:8

• ‘Mhaka ya kona yi ni nhloko?’ Tivoneli loko u twa mhaka ya ku i ngi yo tsakisa hintamu

SIXTIRA VHIDIYO LELI NGE: LESWI U NGA SWI YENTXAKA SWAKU U NGA VI NI TINDZAVA!, U GAMA U HLAMULA SWIVUTISO LESWI:

• 

  Hi ku ya hi Swivuriso 12:18, marito ya hina ma nga va khumbisa ku yini van’wana?

• 

  Vafilipiya 2:4, yi hi pfunisa ku yini swaku hi tiva leswi hi nga swi vulaka hi van’wana?

• 

  Hi nga ku yini loko lava hi bulaka na vona va sungula ku vulavula ku biha hi van’wana?

• 

  Na u nga se vulavula hi munhu mun’wana, hi swini swivutiso leswi u faneleke u tivutisa swona?