Hi Kombisa Lirhandzu Hi Ku Nyima Na Yehovha Loko A Laya Munhu

Loko munhu a susiwa bandleni, swi mu pfuna ku va a tisola swi tlhela swi vhikela bandla. (1Ko 5:6, 11) Loko hi nyima na Yehovha loko a laya munhu, hi kombisa swaku ha mu rhandza. Se hi mhaka muni ku vuliwa swaku leswo i lirhandzu na kuve loko munhu a susiwa bandleni maxaka ya yena ni madoda ya bandla ma vaviseka hi mhaka swona?

Xa lisima ka hinkwaswu, hi va hi kombisa swaku ha mu rhandza Yehovha ni minawu ya yena. (1Pe 1:14-16) Nakambe hi va hi kombisa swaku ha mu rhandza lweyi a nga susiwa bandleni. A ku layiwa hambi ko vava, ka pfuna hikusa ‘kuveka mihandzu ya kurhula ya wutomi lakululama’. (Hv 12:5, 6, 11) Loko hi va vanghanu va munhu lweyi a nga susiwa bandleni kumbe lweyi a nga tisusa hi yexe, hi va hi lwisana ni minawu ya Yehovha. Khumbuka swaku loko Yehovha a laya munhu, a mu laya hi mpimu wa kona. (Yr 30:11) Hi navela swaku munhu lweyi a nga susiwa a tlhelela ka Yehovha, Papayi wa hina wa lirhandzu. Kambe hi nkama wolowo, hi ta tama hi nyima na Yehovha loko a laya munhu, hi tlhela hi yentxa hinkwaswu leswi lavekaka swaku hi tiyisa wunghanu la hina na Yehovha. — Esa 1:16-18; 55:7.

SIXTIRA VHIDIYO LELI NGE: TSHEMBA YEHOVHA HI MBILU HINKWAYU, U GAMA U HLAMULA SWIVUTISO LESWI:

• 

  Vapsali va titwisa ku yini loko n’wana wa vona a tshika ku tirhela Yehovha?

• 

  Vamakwerhu va nga va pfunisa ku yini lava xaka la vona li nga susiwa bandleni?

• 

  I mpsini swi nga tsaliwa ka Bibele leswi kombaka swaku ku tshembeka ka Yehovha i swa lisima ku tlula ku tshembeka ka maxaka ya hina?

• 

  Hi nga swi kombekisa ku yini swaku ha tshembeka ka Yehovha ku tlula ka maxaka ya hina?