Se U Tilunghiselile Swaku U Ta Va Kona Ka Xitsundzuxu?

A Paxkwa la wugamu leli Yesu a nga li tlangela a li hlawulekile hintamu. A a swi tiva swaku a le kusuhi ni ku fa, hi mhaka leyo a yentxe malulamiselo swaku a dla Paxkwa ni vapostolo va yena a tlhela a sungula nchumu wa nyuwani ku nga Xilalelo xa Hosi. Yesu a kombele Pedru na Yohani swaku va ya lulamisela ndhawu leyi a va ta li yentxela kona Paxkwa. (Lk 22:7-13; vona mufoto ka pajina la ku sungula.) Leswo swi hi djondzisa swaku na hina hi fanele hi tilunghiselela swaku hi va kona ka Xitsundzuxu lexi nga ta yentxiwa hi diya 27 ka Março. Ha tshemba swaku mabandla se ma mu tiva lweyi a nga ta yentxa dixkursu, pawu, vinyu ni swilo swin’wana. Kambe u nga yentxa yini swaku u tilunghiselela ku va kona ka Xitsundzuxu?

Lunghiselela mbilu ya wena. Lerha tindzimana ta Bibele leti fambisanaka ni Xitsundzuxu u tlhela u pimisa hi tona. Tindzimana toleto u nga ti kuma ka xibukwana xa hina lexi nge Tsalwa La Siku. Loko u lava programa la ku helela la tindzimana leti, yana ka Xiengetelo B12 ka Bibele — Matsalwa Yo Kwetsima Ya Misava Leyimtshwa. (U nga ha tlhela u vona ka Xibukwana xa Hina xa Mintlhangano xa Abril wa 2020.) Loko u lava ku kuma timhaka tin’wana leti vulavulaka hi lisima la nkutsulo leswaku mi djondza hi tona ka wugandzeli la n’wina la ndjangu, yana ka Nkongomiso Wo Endla Ndzavisiso Wa Timbhoni Ta Yehovha (hi Xitsonga).

Rhamba van’wana swaku va ta ka Xitsundzuxu. Zama ku rhamba vanhu va vanyingi hi lani u nga kotaka hi kona. Pimisa hi vanhu lava u tsakelaka ku va rhamba, hi xikombiso ku nga va marevhizita ya wena, lava u nga tshama u djondza na vona Bibele, maxaka ya wena ni vanhu van’wana lava u va tivaka. Na wona madoda ma fanele ma khumbuka ku rhamba vamakwerhu lava nga hola. Se u nga yentxa yini loko u tshuka u rhamba munhu lweyi a kalaka a nga tshami ka teritoriyu la wena? Leswaku u tiva ndhawu ni nkama lowu Xitsundzuxu xi nga ta yentxiwa hi wona kusuhi ni lomu a tshamaka kona, nghena ka site la jw.org u deketa lani va nge HITIVI, u gama u deketa lani ku nge “Xitsundzuxu.”

I yini swin’wana hi nga swi yentxaka swaku hi tilunghiselela ku va kona ka Xitsundzuxu?