Vana Ni Ku Twisisa Swaku U Hambanisa Swa Swinene Ni Swa Ku Biha

Leswaku munhu a ganya ka mphikizanu a fanele a trenara nkama ni nkama. Hilani ku fanaka, na hina hi fanele hi tikarhata swinene swaku hi va ni matimba ya ku twisisa swaku hi kota ku hambanisa swa swinene ni swa ku biha. (Heb 5:14) I ntiyiso swaku minkama yin’wana swa vevuka ku tekelela leswi van’wana va swi yentxeka, kambe i swa lisima kuva hi djondzisa matimba ya hina ya ku twisisa swaku hi tiyentxela swiboho hi hoxe, hikusa hinkwerhu hi ta tihlamulela hi swiboho leswi hi swi yentxaka. — Rm 14:12.

I swa lisima ku khumbuka swaku leswi nga ta hi pfuna ku yentxa swiboho swa swinene a hi malembe lawa hi nga na wona na hi li ka ntiyiso. Kambe leswaku hi yentxa swiboho swa swinene, minkama hinkwayu hi fanele hi tshemba Yehovha, Bibele ni nhlengeletanu ya yena. — Yx 1:7, 8; Swiv 3:5, 6; Mt 24:45.

SIXTIRA VHIDIYO LELI NGE “HLAYISANI LIPFALU LA N’WINA,” U GAMA U HLAMULA SWIVUTISO LESWI:

• 

  Hi xini xikarhatu lexi Ema a nga kumana na xona?

• 

  Hi mhaka muni swi nga li swinene ku vula leswi a wu ta swi yentxa ka swiboho leswi fambisanaka ni lipfalu?

• 

  Vamakwerhu lava nga kula va mu pfunise ku yini Ema swaku a yentxa xiboho xa kahle?

• 

  Ema a swi kume kwini leswi nga mu pfuna swaku a yentxa xiboho xa xinene?