Leswi Hi Nga Swi Djondzaka Ka Wutomi La Samuwele

Samuwele a tshame a tshembekile ka Yehovha wutomi la yena hinkwalu. Na a ha li mutsongo a yale ku yentxa minchumu ya ku biha leyi a yi yentxiwa hi Hofini na Finiyasi vana va Eli. (1Sa 2:22-26) Nkama lowu Samuwele na a kula, Yehovha a tame a va na yena. (1Sa 3:19) Naswona nkama a nga guga, Samuwele a tame a yingisa Yehovha hambileswi vana va yena a va nga mu yingisi. — 1Sa 8:1-5.

Leswi nga humelela Samuwele swi hi djondzisa yini? Loko wa ha li jovhem tiyiseka swaku Yehovha wa swi twisisa swikarhatu leswi u kumanaka na swona ni leswi u titwisaka xiswona, naswona a ta ku pfuna. (Esa 41:10, 13) Loko u ni n’wana lweyi a kalaka a nga mu tirheli Yehovha, ku tiva swaku Samuwele a nga sindzisanga vana va yena swaku va tirhela Yehovha swi nga ku tiyisa. Leswi Samuwele a a tshemba swaku Yehovha a ta mu pfuna ka swikarhatu swa yena, a tame a tshembeka a tlhela a yentxa swilo leswi a swi tsakisa Yehovha. Phela swi nga yentxeka vana va wena va tlhelela ka Yehovha loko va vona xikombiso xa wena xa xinene.

SIXTIRA VHIDIYO LELI NGE U NGA DJONDZA YINI KA SAMUEL!, U GAMA U HLAMULA SWIVUTISO LESWI:

• 

  Samuwele a swi kombisise ku yini swaku a a nga chavi nkama na a ha li mutsongo?

• 

  Deni a swi kombisise ku yini swaku a a nga chavi?

• 

  Loko Samuwele se a kulile, hi xini xikombiso xa xinene lexi a nga hi vekela xona?

• 

  Hi xini xikombiso xa xinene lexi vapsali va Deni va nga hi vekela xona?