Pfuna Lava U Djondzaka Na Vona Bibele Kuva Va Tshika Swilo Swa Kubiha

Vanhu lava nga ni mahanyelo ya manene hi vona ntsena va nga kotaka ku va ni wunghanu la linene ni Xikwembu. (1Pe 1:14-16) Loko vanhu lava hi djondzaka na vona Bibele va va ni mahanyelo ya manene, va ta va ni ndjangu wa ku tsaka, va tivhikela ka mavabyi naswona a va nga ta pfumala nchumu.

Tlhamusela lweyi u djondzaka na yena Bibele minawu ya Yehovha ya ku va ni mahanyelo ya manene ni swaku loko a yi yingisa swi ta mu pfunisa ku yini. Tlhela u mu pfuna swaku a txintxa mapimiselo ya yena leswaku a ta kota ku txintxa ni mahanyelo ya yena. (Ef 4:22-24) Mu tiyisekisi swaku a nga swi kota ku hlula mahanyelo ya ku biha hi ku pfuniwa hi Yehovha. (Flp 4:13) Mu djondzisi ku khongela ka Yehovha loko a kumana ni miringo. Mu pfuni leswaku a pimisa hi swiyimu leswi a faneleke a fambela kule na swona, leswi nga mu yentxaka a djoha. Tlhela u mu pfuna leswaku a yentxa swilo swa swinene leswi nga ta mu pfuna ku tshika mahanyelo ya ku biha. Phela loko u vona lweyi u djondzaka na yena Bibele a txintxa mahanyelo ya yena hi ku pfuniwa hi Yehovha, u ta tsaka.

SIXTIRA VHIDIYO LELI NGE PFUNA LAVA U DJONDZAKA NA VONA BIBELE KUVA VA TSHIKA SWILO SWA KUBIHA, U GAMA U HLAMULA SWIVUTISO LESWI:

• 

  Madoda na Neta va swi kombisise ku yini leswaku a va tshemba Julia?

• 

  I yini swin’wana leswi Neta a nga swi yentxa swaku a pfuna Julia?

• 

  Julia a yentxe yini swaku a kombela ku pfuniwa hi Yehovha?