Swi Nga Ku Pfunisa Ku Yini Leswi Nga Ka JW.ORG?

Bibele li hi nyika hinkwaswu leswi hi swi lavaka swaku tiyisela swikarhatu leswi hi kumanaka na swona. (2Tm 3:1, 16, 17) Hambileswo, minkama yin’wana hi nga ha kumana ni swiyimu leswi hi kalaka hi nga swi tivi swaku hi nga yentxa yini. Hi xikombiso, loko u li mupsali u nga ha tivutisa swaku u nga swi kotisa ku yini ku laya vana va wena. Loko u li jovhem u nga ha tivutisa swaku u nga swi kotisa ku yini ku tiyisela loko u ringiwa. Kumbe swi nga yentxeka u hele ntamu hi leswi u nga feliwa hi nuna kumbe nsati. Ka site la hina la jw.org, u ta kuma minchumu leyi nga ku pfunaka ka swiyimu leswi ni swin’wana. —  Swi 2:3-6.

Nghena ka pajina la ku sungula la jw.org, u ya deketa ka TIDJONDZO TA BIBELE. (Vona mufoto 1.) U gama u langa mhaka leyi u yi lavaka. Kumbe u deketa lani ku nge: BIBLIYOTEKA > LONGOLOKO WA TINHLOKOMHAKA u gama u langa mhaka leyi u yi lavaka. (Vona mufoto 2.) U nga tlhela u kuma leswi fanaka ka JW Library^®.a Swin’wana u nga swi yentxaka i ku tsala mhaka leyi u yi lavaka ka jw.org swaku u yi lavetela. Phela swa tsakisa ku kambisisa timhaka leti ka site.

Tsala timhaka leti landzelaka ka jw.org swaku u ti lavetela, u gama u langa tinhlokomhaka leti u lavaka ku ti lerha.

• Ku wundla vana

• Swikarhatu swa majovhem

• Ku feliwa hi nuna kumbe nsati