MAHANYELO YA HINA VAKRESTE
Ku Chada I Xiboho Xa Lisima Hintamu
Loko swi famba kahle muchadwini, Yehovha wa tsaka naswona nuna na nsati na vona va tsaka. (Mr 10:9) Swaku Mukreste a tsaka ka muchadu wa yena, a fanele a tirhisa matshinya ya minawu ya Bibele nkama a langaka lweyi a nga ta chada na yena.
I swinene kuva Mukreste a sungula ku namorara na se a hundze ka ntanga leyi ku navela swa masangu ku nga kukulu, hikusa leswo swi ta mu yentxa a kota ku langa kahle lweyi a nga ta chada na yena. (1Ko 7:36) Loko u nga se chada, tirhisa nkama wa wena swaku u tiyisa wunghanu la wena na Yehovha u tlhela u va ni wumunhu la linene. Loko u yentxa leswo, u ta tsaka loko se u chadile.
Na u nga se chada, tinyiki nkama wa ku tiva leswi lweyi u lavaka ku chada na yena a nga tshamisa “xiswona ambilwini”. (1Pe 3:4) Loko ku ni leswi swi ku yentxaka u kanakana, bula ni lweyi u nga ta chada na yena. Phela loko se u chadile, u fanele u karhateka hintamu hi leswi u nga swi yentxelaka lweyi u nga chada na yena, ku nga li leswi yena a nga ku yentxelaka swona. (Flp 2:3, 4) Loko u hanya hi matshinya ya minawu ya Bibele na u nga se chada, u ta swi kota ku tama u hanya hi wona hambiloko se u chadile naswona u ta tsaka ka muchadu wa wena.
SIXTIRA VHIDIYO LELI NGE: LOKO U LAVA KU CHADA— XIYENGE 3: PIMISA HI LESWI LAVEKAKA, U GAMA U HLAMULA SWIVUTISO LESWI:
Minchumu a yi tshamise ku yini nkama makwerhu lweyi a nga kombisiwa ka vhidiyo a nga sungula ku namorara na Shane?
Impsini leswi makwerhu lweyi a nga swi tsumbula hi namoradu wa yena, nkama va nga sungula ku tivana kahle?
Vapsali va yena va mu pfunise ku yini, funtshi a game a yentxa yini?