Yendla Swaku Ndjangu Wa Wena Wu Tsaka

Yehovha a lava swaku mindjangu yi tsaka. (Ps 127:3-5; Ekl 9:9; 11:9) Kambe leswi swikarhatu swi ngo yo ntson ka misava leyi naswona hina hi kalaka hi nga hetisekanga, hi nga ha hoxelana naswona leswo swi nga ha yendla leswaku ku tsaka ku hela andjangwini. I mpsini leswi mun’wani ni mun’wani andjangwini a faneleke a swi yendla leswaku ndjangu wu tsaka?

A nuna a fanele a mu nyika lisima nsati wa yena. (1Pe 3:7) A fanele a heta nkama na yena, a mu tlangela hi leswi a mu yendlelaka swona ni leswi a swi yendlelaka ndjangu, a tlhela a tsaka hi leswi nsati wa yena a swi kotaka ku swi yendla. (Ko 3:15) A fanele a kombisa swaku wa mu rhandza hi leswi a swi vulaka ni leswi a swi yendlaka. — Swi 31:28, 31.

A nsati a fanele a seketela nuna wa yena. (Swi 31:12) A tiveka hansi ka nuna wa yena a tlhela a tirhisana na yena. (Ko 3:18) A vulavula hi xihlonipho loko a li na yena, a tlhela a vulavula kahle hi yena loko a li ni van’wani. — Swi 31:26.

Vapsali va fanele va heta nkama ni vana va vona. (Dt 6:6, 7) Va fanele va va byela swaku va va rhandza. (Mt 3:17) Loko swi lava va va laya, va yendla leswo hi lirhandzu ni ku va twisisa. — Ef 6:4.

A vana va fanele va yingisa va tlhela va hlonipha vapsali va vona. (Swi 23:22) Va fanele va va byela leswi va swi pimisaka ni leswi va titwisaka xiswona va tlhela va pfumela ku layiwa hi vona. — Swi 19:20.

SIXTIRANI VHIDIYO LELI NGE: LWELANI SWAKU MINDJANGU YA N’WINA YI TSAKA, MI GAMA MI HLAMULA XIVUTISO LEXI:

I yini leswi mun’wani ni mun’wani a nga swi yendlaka swaku ndjangu wu tsaka?