Tirhisa Bibele Ku Fana Ni Xipelhu

Mudjondzisiwa Yakobe a fananise Bibele ni xipelhu lexi xi hi pfunaka ku vona leswi hi nga tshamisa xiswona hikakunene. (Yak. 1:22-25) Hi nga li tirhisisa ku yini Bibele hi ndlela yayinene leswaku li ta hi pfuna?

U nga tsutsumi. Loko u titxuvuka ka xipelhu na u djahile, swi nga yendleka u nga ku voni lani u faneleke u tilunghisa kona. Hilani ku fanaka, loko u lerha Bibele na u tsutsuma swi ta ku karhatela ku vona lani u faneleke u yampsisa kona ka wumunhu la wena. Se loko u lerha Bibele u nga tsutsumi.

Pimisa hi wena ku nga li ku pimisa hi vanhu van’wani. Loko hi txuvuka xipelhu na hi nyimile hi tlhelweni hi nga swi kota ku vona leswi vanhu van’wani va nga tshamisa xiswona. Ku yendleka swa ku fana loko hi lerha Bibele na hi pimisa swaku leswi hi swi lerhaka swi nga mu pfunisa ku yini munhu mun’wani. Phela ku yendla leswo a swi nge hi pfuni leswaku hi yampsisa wumunhu la hina hi tlhela hi va vanhu vavanene.

U nga txuvuki ntsena swihoxo swa wena. Loko u titxuvuka ka xipelhu, kambe u vona ntsena leswi u kalaka u nga swi rhandzi, u nga ha hela ntamu. Swa fana ni loko hi lerha Bibele. Se hi mhaka leyo, a hi fanelanga hi txuvuka ntsena leswi hi faneleke hi swi yampsisa, kambe hi fanele hi zama ku tivona ku fana ni leswi Yehovha a hi vonisaka swona. — Yak. 3:17.