Djondza Hi Ku Tirhisa Mafoto

Mabuku ya hina ma ni mafoto ya manyingi lawa ma hi djondzisaka swilo swa lisima. U nga yendla yini leswaku u pfuneka hi mafoto wolawo?

• Na u nge se lerha nhlokomhaka, rhanga hi ku txuvuka mafoto. A mafoto ma ta ku yendla u navela ku djondza leswi nga ndzeni ka nhlokomhaka yoleyo. Phela leswo swi fana ni loko munhu a txuvuka pratu leli nga ni swakudla leswi navetisaka; a rhanga hi ku swi navela hi matihlo na a nga se swi ringa. Se nkama lowu u txuvukiselaka mafoto, tivutisi leswi: ‘I mpsini leswi ni swi vonaka ka mufoto lowu?’ — Amo. 7:7, 8.

• Nkama lowu u lerhaka nhlokomhaka, zama ku vona swaku hi mhaka muni mufoto wolowo wu vekiwile. Lerha ntlhamuselo wa mufoto kumbe marito lawa ma taka ka mufoto wolowo, naswona zama ku vona swaku wu fambisana ndjhani ni mhaka leyi u yi lerhaka u gama u pimisa hi swaku u nga swi tirhisisa ku yini leswi u swi vonaka ka mufoto.

• Loko se u game ku lerha, tlhela u ya vona mufoto leswaku u khumbuka tipontu ta lisima leti u nga ti vona ka nhlokomhaka leyo. Pfala matihlo u zama ku khumbukela mufoto ni leswi wu ku djondzisaka swona.

• Swi ngo yini u tlhela u txuvuka mafoto lawa ma kombisiwaka ka Murindzi lweyi, u vona kumbe wa ha swi khumbuka leswi ma ku djondzisaka swona!