Ndlela Leyi Unga Yendlaka Leswaku Djondzo ya Wena ya Bibele Yi Va Leyi Humelelaka Yitlhela Yi Tsakisa

Yoxuwa a lerha nawu; miminti ya Yeriko ya wa kambe a munti wa Rahabe awu hohloki; Yoxuwa a tlakusa mavoko ya yena atilweni, a khongela

YOXUWA a nyikiwe xiyavelo xokongomisa Vayisrayele ka Tiko Leli Tshembisiweke. Leswo aswita karhata ngopfu swinene. Hikolaho ka leswo, Yehovha amu tiyisile atlhela amu khutaza hi kuvula leswi: “Vana ni xivindzi, utiya ngopfu”. Yehovha amu byele leswaku loko a djondza atlhela a yingisa nawu wa yena, a atayendla swiboho swa wutlharhi naswona swilo aswitamu fambela kahle. — Yoxuwa 1:7, 8.

Hi hanya ka “minkama ya kukarhata”. (2 Timotiya 3:1) Loko hi lava leswaku swilo swihi fambela kahle kufana na Yoxuwa, hi fanele hi landzela nkongomiso lowu Yehovha amu nyikeke wona. Phela, hi fanele hi djondza Bibele siku ni siku hitlhela hi tirhisa leswi hiswi djondzaka leswaku hi yendla swiboho leswinene.

Kambe swingaha yendleka leswaku van’wana ka hina ahiyi tivi ndlela yodjondza kumbe hi yehleketa leswaku kudjondza aswi tsakisi. Hambileswo, djondzo ya wena wexe ya Bibele i ya lisima swinene. Loko u pfuxeta leswinga ka djondzo leyinge: “Ringisa Swiringanyeto Leswi Landzelaka,” uta kuma swiringanyeto leswingata kupfuna leswaku u vuyeliwa ka djondzo ya wena naswona utaya uti khorisa ha yona. Mupisalema a yimbelele a ku: “Nifambise andleleni ya minawu ya wena, hikusa nayitsakela.” (Tipisalema 119:35) Na wena unga tiphina hi kudjondza Rito la Xikwembu. Loko uya u djondza Bibele, uta tsumbula miyehleketo ya Yehovha yohlamalisa.

Hambileswi u kalaka unga li ka xiyimo xorhangela tiko lokarhi kufana na Yoxuwa, u ni swikarhato leswi u langutanaka na swona. Hikolaho, kufana na Yoxuwa, djondza utlhela u yingisa Rito la Xikwembu. Loko u yendla tano, uta yendla swiboho leswinene naswona swilo switaku fambela kahle awuton’wini.

RINGISA SWIRINGANYETO LESWI LANDZELA

Khongela ungese sungula kudjodza. Bibele li ni miyehleketo ya Yehovha naswona yona yi tsaliwe leswaku yi hi pfuna. Loko u djondza Bibele, kombela Yehovha kuva aku pfuna leswaku u twisisa leswi uswi djondzaka, uswi khumbuka naswona uswi tirhisa loko u yendla swiboho awuton’wini la wena. — Ezra 7:10.
Tiyendle swivutiso loko u djondza Bibele kumbe mabuku ya nhlengeletano. Ungaha tivutisa: ‘Xana xiyenge lexi xini byela yini hi Yehovha? Xi fambisanisa kuyini ni nhlokomhaka ya Bibele? Ningaswi tirhisisa kuyini leswi niswi djondzaka akuva ni pfuna vanhu van’wana?’’
Yanakanyisisa hi leswi uswi djondzaka. Nyima nyana leswaku u yehleketa hi leswi uswi djondzka. Tivutisi: ‘Xana leswi niswi djondzaka swini yendla ni titwisa kuyini? Hayini swini yendla ni titwa hi ndlela leyo? Xana swi fambisanisa kuyini ni leswingani yendlekela khale, leswini yendlekelaka namuntlha kumbexana ni leswingatani yendlekela ka nkama lowu taka? Xana ningama tirhisisa kuyini matshinya lawa ya minawu? Ningayi tirhisisa kuyini ndzayo leyi ka wutomi la mina?’ (Yobo 23:5; Tipisalema 49:3) Loko u yanakanyisisa hi leswi uswi djondzaka, ringisa kuhlamusela xivangelo lexi yendlaka Yehovha a byela malandza ya yena kuva va papalata swiyendlo swokarhi. Yehleketa hi mavuyelo lawa amata va kona loko munhu lweyi unga djondza ha yena a ayendle swilo hi ndlela leyi hambaneke. — Deteronoma 32:28, 29.
Tirhisa mahlo ya wena ya miyanakanyo loko uli karhi u djondza. Hi xikombiso, xana ungaswi kota kuyanakanya hi xiyimo xa vamakwavo va Yosefa loko vamu xavisile ka Vaximayele? (Genesa 37:18-28) Xana u vona yini? U twa yini? Kunun’hwela yini? Tiveki ka xiyimo xa vona. Xana ava pimisa yini naswona ava titwa hi ndlela yihi? Loko u tirhisa mahlo ya wena ya miyanakanyo, djondzo ya wena ya Bibele yita va ni lisima.
Tirhisa switirhisiwa swa kudjondza hi swona leswinga lunghiseleliwa hi nhlengeletano leswaku djondzo ya wena ya Bibele yi nandziha. Djondza kutirhisa switirhisiwa leswinga kona hi lirimi la wena, kungahava leswi gandlisiweke kumbe leswinga ka interneti. Kombela van’wana leswaku vaku pfuna kuswi tirhisa kahle. Hi xikombiso, Nkongomiso Wo Endla Ndzavisiso Wa Timboni Ta Yehovha wutaku pfuna kukuma hlamuselo wa timhaka tokarhi ni hlamuselo wa tidzimana totala ta Bibele. Tirhisa ma apêndice ya Tradução do Novo Mundo da Bíblia Sagrada loko ma kumeka hi lirimi leli u kotaka kuli lerha. Ma ni rungula la lisima swinene leli katsaka mimapa, nkama lowu swilo swiyendlekeke ha wona, mimpimu ni ntiko wa swilo ni swin’wana.
Songa timhakankulu. Leswo switaku pfuna kuva u khumbuka leswi uswi djondzeke. Swi kahle kuva u byela van’wana hi leswi uswi djondzeke. Xana ungaswi tirhisa ka ntirho wa wena wochumayela? Hi kuyendla tano, uta khumbuka timhakankulu, naswona van’wana vata vuyeliwa.