Majovhem Ma Vutisa / Ni Nga Yendla Yini Loko Ni Li Ni Vhisiyo La Pornografiya?
Leswi u nga swi yendlaka
Twisisa leswi pornografiya li vulaka swona. Phela a pornografiya li wonha nchumu lexi Yehovha a nga xi yendla leswaku xi hlonipheka. Ku vona pornografiya hi ndlela leyo swi ta ku pfuna swaku u ‘nyenya swa ku biha.’ — Tipisalema 97:10.
Pimisa hi minchumu ya ku biha leyi nga ta yendleka loko u sixtira pornografiya. Phela a pornografiya li xixa vanhu lava li yendlaka, ku patsa ni lava li sixtiraka. I hi mhaka leyo Bibele li nge: “Munhu wa ku tlhariha a vona khombo kutani a tumbela.” — Swivuriso 22:3.
Tiyendlele xitshembiso. Yobo a te: “Ni yendle ntwananu ni matihlo ya mina, wa leswaku a ni nge yi txuvuki ntombhi ni za ni yi navela.” (Yobo 31:1) Vona switshembiso swin’wani leswi wena u nga swi yendlaka:
A ni nga ta tirhisa interneti loko ni li noxe.
Loko ku tshuka ku humelela site leli swi tikombaka swaku i la pornografiya kumbe mapublisidadi ni to vhela ni huma.
Ni ta vulavula ni munghanu lweyi ni mu tshembaka loko ni tlhela ni vona pornografiya.
A pornografiya la vhisiyarana — loko u ya u li vona, swi ya swi karhata ku li tshika
Khongela hi mhaka leyi. Mupisalema a khongele ka Yehovha Xikwembu a mu kombela a ku: “Yendla leswaku matihlo ya mina ma nga txuvuki minchumu ya ku kala yi nga pfuni nchumu.” (Tipisalema 119:37) Phela Xikwembu xa swi lava ku ku pfuna swaku u swi kota ku tshika ku sixtira pornografiya se khongela ka xona hi mhaka leyi, se xona xi ta nyika matimba lawa ma lavekaka leswaku u swi kota ku yendla minchumu yayinene! — Vafilipiya 4:13.
Bula ni munhu. Ku langa munhu lweyi u nga ha bulaka na yena, i nchumu wa lisima hintamu lowu wu nga ta ku pfuna swaku u swi kota ku hlula vhisiyo leli u nga na lona. — Swivuriso 17:17.
Khumbuka: Makhambi hinkwawu lawa u swi kotaka ku kala u nga sixtiri pornografiya, u va na wu hlula nyimpi yayikulu swinene. Bula na Yehovha u mu byela hi nyimpi yoleyo u nga yi hlula, u tlhela u mu khensa hi matimba lawa a nga ku nyika wona. Phela loko u yendla hinkwaswu leswi u nga swi kotaka swaku u nga sixtiri pornografiya, u va na wu tsakisa mbilu ya Yehovha! — Swivuriso 27:11