Hlamuselo ya le hansi

c Tintivi tin’wani ta Bibele ti vula swaku vavanuna volavo va nga famba na Pawulo a va yendle xitshembiso xa ku va Vanaziri. (Tin. 6:1-21) I ntiyiso swaku a Nawu wa Moxe lowu va nga wu tirhisa swaku va yendla xitshembiso xolexo a wu nga ha tirhi. Hambileswo swi nga yendleka Pawulo a nga swi vonanga na swi bihile kuva vavanuna volavo va hetisisa xitshembiso xolexo va nga xi yendlela Yehovha. Hi mhaka leyo a swi nga ta va swi bihile kuva Pawulo a va hakelela a tlhela a famba na vona. A hi swi tivi swaku i xitshembiso xa ku tshamisa ku yini lexi a va xi yendlile, kambe ha tshemba swaku Pawulo a a nga ta pfumela ku hamba magandzelo hi ku tirhisa swiharhi (hi lani Vanaziri a va yendla hi kona), kumbe a kholwa swaku vavanuna volavo va nga basisiwa swidjoho swa vona hi ku tirhisa magandzelo wolawo ya swiharhi. A lifu la Yesu li yendle swaku magandzelo hinkwawu lawa a ma yendliwa hi swiharhi ma nga ha tirhi leswi kombisaka swaku a ku na mhaka swaku Pawulo a yendle yini kambe ha tshemba swaku a a nga ta yendla nchumu lexi a xi ta siya lipfalu la yena na li nga basanga.