Hlamuselo ya le hansi

a Swi nga yentxeka u tshama u twa makwerhu lweyi i nga khale na a tirhela Yehovha a vula leswi: ‘A ni nga swi nyimelanga swaku magamu ma nga hlwela ku fika hi ndlela leyi’. Ka masiku lawa ya ku karhata, hinkwerhu hi swi nyimele hintamu swaku Yehovha a helisa wubihi hinkwalu leli nga kona lani misaveni. Kambe hambileswo, hi fanele hi lehisa mbilu. Ka nhlokomhaka leyi, hi ta vona leswi Bibele li swi vulaka, leswi nga hi pfunaka ku lehisa mbilu nkama lowu hi nyimelaka Yehovha swaku a yentxa leswi a nga swi tshembisa. Hi ta tlhela hi vona swiyimu swimbirhi leswi hi faneleke hi lehisa mbilu ka swona. Hi wugamu, hi ta vona swaku hi yini minkateko leyi Yehovha a yi tshembisaka ku nyika lava lehisaka mbilu.