Rhanga Uyarivalelana ni Makwenu — Njhani?

Tivoni na utshama a Galileya hi nkama wa Yesu. Uyendzile uya Yerusalema leswaku uyatlangela a nkhuvu wa Mintsonga. A doropa litele hi vagandzelikuloni lavangata hi le kule. Wena ulava kunyikela nyiko ka Yehovha. Kutani utsemakanya xikarhi ka vanhu, na ukhome mbuti ya wena, ukongoma atempeleni. Loko ufika, ukuma leswaku atempeleni kutele hi vanhu van’wana lava navona valavaka kunyikela magandzelo. Hi wugamu, kufika nkama wa wena wonyikela mbuti ka vaprista. Hi nkama wolowo, utsundzuka leswaku makwenu, lweyi angahavaka axikari ka xitshungu kumbe adoropeni a ni mhaka na wena. Yesu ahlamusela leswi ufanelaka uswiyendla. (Lerha Matewu 5:24) Kutani, wena swin’we ni makwenu, mingaswikotisa kuyini kululamisa mhaka hi kulandza leswi Yesu aswidjondziseke ke? Ka xiyimu xin’wana ni xin’wana ka leswilandzelaka, langa nhlamulu leyinga yinene.

UFANELA . . .

• uvulavula ni makwenu ntsena loko uvona leswaku a ni xivangelo xa kutwisiseka xa kuva akukwatelile

• uzama kumucinca mayanakanyelo loko uvona leswaku a ni ximbilwambilwana kumbexana na yena a ni nandzu

• ulehisa mbilu umuyingisela loko ali karhi atiphofula hambiloko ungamutwisise kahle; mukombele rivalelo hikola ka kuva umukhunguvanyisile kumbe hikola ka vuyelo leliveke kona

MAKWERHU AFANELA . . .

• abyela van’wana abandleni leswi umuyendleke swona leswaku vatamunyimelela

• akuvulavulela, avuletela hinkwaswu leswi ungamuyendlela naswona akusindzisa kupfumela nandzu

• akombisa leswaku waswitiva leswaku swilave xivindzi ni kutitsongohata leswaku uvulavula na yena, naswona akurivalela hi mbilu hinkwayu

Namuntlha a wugandzeli la hina alilavi kuva hinyikela magandzelo ya swiharhi. Hambiswilitanu, hi kuya hi leswi Yesu angaswidjondzisa, a kuva ni kurhula ni vamakwerhu swilikhumba njhani wugandzeli la hina ka Xikwembu?