Tilunghiseleli Leswaku Uta Vuyeliwa hi Xitsundzuxu

Kusukela ka lembe leli, hitava ni nkama lowu yengetelekeke wa leswaku hi tilunghiselela Xitsundzuxu xa lifu la Kreste. Loko Xitsundzuxu xi wela ndzeni ka vhiki, kungatava ni Nhlanganu wa Mahanyelo ni Ntirho hi vhiki lelo. Loko Xitsundzuxu xi wela akuheleni ka vhiki, Sábado kumbe Domingo, kungatava ni nkulumi ya livala ni Djondzo ya Murindzi. Xana utawu tirhisa hi ndlela leyinene nkama lowu lowu yengetelekeke? Kufana ni le minkameni ya Vapostola, swi lava kuyendliwa mintirho ya mavoko leswaku kulunghiseleliwa Xitsundzuxu. (Lk 22:7-13; km-TS 15/3 tl. 1) Kambe kuni swin’wana leswi hi faneleke kuswi yendla leswaku hi vuyeliwa ngopfu hi nkama lowu wa Xitsundzuxu, kunga kulunghiselela timbilu ta hina. Hingaswi yendlisa kuyini leswo?

• Yanakanyisisa hi lisima la kuva kona aXitsundzuxweni. — 1Ko 11:23-26

• Khongela ni kuyanakanyisisa hi wuxaka la wena na Yehovha. — 1Ko 11:27-29; 2Ko 13:5

• Lerha u tlhela u yanakanyisisa hi tinhlokomhaka leti sekeliweke ka Matsalwa leti hlamuselaka leswi Xitsundzuxu xi vulaka swona. — Yh 3:16; 15:13

Vachumayeli van’wana va lerha ni kuyanakanyisisa hi matsalwa lama lerhiwaka hi nkama wa Xitsundzuxu lama kumekaka ka xibukwana lexinge Ku Kambisisa Matsalwa Siku Ni Siku. Van’wanyana va lerha tindzimana ta Bibele leti kumekaka ka kwadru leli kombisiweke laha hansi. Kasi van’wanyana va tlhela va djondza tinhlokomhaka ta Murindzi leti hlamuselaka lisima la Xitsundzuxu ni lirhandzu leli Yehovha na Yesu vahi kombiseke lona. Kunga khataliseki xiyimiso lexi ungataxi hlawula, onge xingaku yendla u titwa u li kusuhi swinene na Yehovha ni N’wana wa yena.