Yendla Leswaku Djondzo ya Wena Wexe yi va Leyi Vuyelisaka

HI MHAKA MUNI SWI LI SWA LISIMA: Djondzo ya wena wexe ya Bibele yitaku pfuna “kutwisisa kuyanama, ni kuleha, ni kutlakuka, ni kuyeta” ka ntiyiso. (Ef 3:18) Leswi switahi pfuna kutama hi basile ni kuhambana ni mahanyelo ya kubiha ya misava ni kutama hi ‘namarhela rito la vutomi’. (Flp 2:15, 16) Djondzo ya wena wexe yitaku pfuna kukuma tinhlokomhaka letingataku pfuna ka wutomi la wena. Unga yendla yini leswaku u pfuneka ngopfu hilaha swiga kotekaka hakona loko u li karhi u djondza Bibele?

UNGASWI YENDLISA KUYINI:

• Loko uli karhi u yendla djondzo ya wena ya Bibele ungaha markara tindzimana, ka papela kumbe ka telefoni ni ka tableti

• Tivutisi swivutiso leswi loko u li karhi u djondza Bibele: ‘Mani? Yini? Nkama muni? Kwini? Hi mhaka muni? Hi ndlela yihi?’

• Lavisisa mhaka. Tirhisa switirhisiwa leswi kumekaka leswaku u kambisisa ni kulavisisa nhlokomhaka ya Bibele kumbe ndzimana

• Yanakanyisisa hi leswi uswi lerhaka ni kuvona leswaku ungaswi tirhisisa kuyini ka wutomi la wena

• Tirhisa leswi uswi djondzaka ka wutomi la wena la siku ni siku. — Lk 6:47, 48

KOMBISA VHIDIYO LEYINGE: YENDLA DJONDZO YA WENA WEXE YI TIYISA KUPFUMELA KA WENA, MI GAMA MI BULISANA HI SWIVUTISO LESWI LANDZELAKA:

• Van’wana va hlamusela yini hi djondzo ya munhu a li yexe?

• Hi mhaka muni u fanele u rhanga hi kukhongela minkama hinkwayu ungese sungula djondzo ya wena wexe?

• I yini lexingataku pfuna kutwisisa Bibele kuyampsa?

• Unga mahisa kuyini leswaku u markara tipontu ka djondzo ya wena ya Bibele?

• Hi mhaka muni kuyanakanyisisa swi li swa lisima ka djondzo ya wena ya Bibele?

• U fanele u yendla yini hi leswi uswi djondzaka?