KUHANYA TANI HI VAKRESTE

Lavanga Chada Vanga li Tiyisisa Kuyini Lirhandzu la Vona?

Abrahamu na Sara i xikombiso lexinene xa kurhandzana ni kuhloniphana ka lavanga chada. (Gn 12:11-13; 1Pe 3:6) Hambileswo, wukati la vona alinga hetisekanga naswona va kumane ni swikarhatu swa kutala. Lavanga chada, vanga djondza yini ka xikombiso xa Abrahamu na Sara?

Mi fanele mi bulisana. Tiveki hansi loko nuna kumbe santi wa wena a vulavula marito lama tlhavaka mbilu loko a kwatile. (Gn 16:5, 6) Tinyikeni nkama wa beliwa hi moya muli xikan’we. Kombisani swaku ma rhandzana hi marito ni swiyendlo. Kutlula hinkwaswu, kombisani swaku mamu rhandza Yehovha hi kudjondza, kukhongela ni kumu gandzela muli xikan’we. (Ekl 4:12) Phela wukati leli tiyeke li dzunisa Yehovha, musunguli wa lulamiselo leli la kukwetsima.

SIXTIRA VHIDIYO LELINGE: TIYISA WUKATI LA WENA, U GAMA U HLAMULA SWIVUTISO LESWI:

Ka vhidiyo leli, i yini lexi kombisa swaku Shaan na Kiara avaya va hambana?
Hi mhaka muni kutshembeka ni kuvulavulisana swili swa lisima ka lavanga chada?
Xikombiso xa Abrahamu na Sara xiva pfunise kuyini Shaan na Kiara?
I mpsini leswi Shaan na Kiara vangaswi yendla swaku va tiyisa wukati la vona?
Hi mhaka muni nuna na santi vanga fanelanga va nyimela swaku swilo hinkwaswu swi famba kahle ka wukati la vona?

Mifoto ya Vhidiyo lelinge: ‘Tiyisa Wukati la Wena.’ Shaan na Kiara va yendla swokarhi swaku va tiyisa lirhandzu la vona. 1. Va tshame ka ndhawu yin’we na vanga cuvukani. 2. Va khomane mavoko. 3. Se va le sin’wini. — Ungaswi kota kutiyisa wukati la wena!