U nga yendla yini swaku djondzo leyi ya Bibele yi ku pfuna?
Djondza ni munhu: Kombela ku djondza Bibele ni lweyi a nga ku nyika broxura kumbe u kombela swaku ku ta munhu mun’wani swaku a ta djondza na wena. U nga kombela hi ku tirhisa a site la hina la jw.org.
XIYENGE XA KU SUNGULA
Nkama u lunghiselelaka djondzo ya wena, lerha xiyenge xa ku sungula. Lerha swivutiso leswi nga pendiwa (A) ni tindzimana (B) leti kombisaka tipontu ta lisima. U tlhela u lerha ni tindzimana leti nga tsaliwa swaku “lerha.”
XIYENGE XA WUMBIRHI
Marito ya ku sungula (C) lawa ma kumekaka lani ku nge Djondza Swin’wani ma tlhamusela swin’wani leswi nga ta djondziwa. Swinhlokwanamhaka (D) swi kombisa tipontu ta lisima. Djondza tindzimana ni lweyi a ku djondzisaka Bibele, u hlamula swivutiso u tlhela u sixtira mavhidiyo (E).
Vona mafoto ni leswi nga tsaliwa ka wona (F), u gama u pimisa hi swaku u nga swi hlamulisa ku yini swivutiso leswi taka lani ku nge Van’wani Va Li (G).
XIYENGE XA WUGAMU
Lani ku nge Leswi Hi Nga Swi Djondza ni lani ku nge Ku Kambela Leswi Hi Nga Swi Djondza (H) ku kombisiwa marito ya wugamu ya djondzo. Tsala siku leli u nga heta hi lona ku djondza. Lani ku nge Zama Ku Yendla Leswi (I) ku kombisa leswi u faneleke u swi yendla. Kasi lani ku nge Loko U Lava Ku Tiva Swin’wani (J) ku kombisa swin’wani leswi u nga ha swi lerhaka kumbe ku swi sixtira.
U nga ti kumisa ku yini tindzimana?
Loko ku kombisiwa ndzimana ka broxura leli, ku rhanga hi ku vekiwa vito la buku la Bibele (A), ku gama ku landzela ndzima (B), se ku gamesa ndzimana kumbe tindzimana (C). Hi xikombiso, Yohani 17:3 ku vuliwa buku la Yohani, ndzima 17, ndzimana 3.