Hi Yini Ndlela Ya Yinene Ya Ku Gandzela Xikwembu?

Ka djondzo leyi nga hundza hi swi vonile swaku a hi wukhongeli hinkwalu leli tsakisaka Xikwembu. Hambileswo, hi nga swi kota ku gandzela Muvumbi wa hina hi ndlela leyi mu tsakisaka. Hi lini wugandzeli kumbe wukhongeli leli tsakisaka Xikwembu? (Yakobo 1:27) Vona leswi Bibele li swi djondzisaka.

1. Ndlela leyi hi gandzelaka Xikwembu hi yona yi fanele yi seketeliwa ka yini?

Yi fanele yi seketeliwa ka Bibele. Yesu a byele Xikwembu a ku: “Rito la wena i ntiyiso.” (Yohani 17:17) Wukhongeli lin’wana a li na mhaka ni ntiyiso lowu nga ka Rito la Xikwembu ku nga Bibele, li landzela tidjondzo ta vanhu kambe Yehovha a nga tsakisiwi hi lava va ‘tlulaka minawu’ ya yena. (Lerha Marku 7:9.) Hi tsakisa Xikwembu loko hi xi gandzela hi ku tirhisa Bibele hi tlhela hi yingisa minawu ya xona.

2. Hi fanele hi mu gandzelisa ku yini Yehovha?

Yehovha a lava hi gandzela yena ntsena hikusa hi yena a nga hi yentxa. (Nhlawutelo 4:11) Leswi swi vula swaku hi fanele hi mu rhandza, hi gandzela yena ntsena, naswona hi nga tirhisi swifaniso. — Lerha Esaya 42:8.

Hi fanele hi gandzela Yehovha hi ndlela ya ku ‘kwetsima yi tlhela yi yamukeleka’ ka yena. (Varoma 12:1) Leswi swi vula swaku hi fanele hi yingisa minawu ya yena ya mahanyelo. Hi xikombiso lava va rhandzaka Yehovha va yi rhandza minawu ya yena leyi vulavulaka hi muchadu va tlhela va yi yingisa, naswona va nyenya leswi a swi nyenyaka swaku fana ni ku dzaha kumbe ku nwa hintamu byala.a

3. Hi mhaka muni hi fanele hi gandzela Yehovha xikan’we ni lava va mu tirhelaka?

Mintlhanganu ya hina ya vhiki ni vhiki ya hi pfuna ku “dzunisa Yehovha . . . lani ntlawa wa vanhu va ku lulama wu tlhanganaka kona.” (Tipisalema 111:1, 2) Ndlela yin’wana ya ku yentxa leswo i ku yimbelela loko hi li mintlhanganwini. (Lerha Tipisalema 104:33.) Yehovha a hi byela swaku hi ya mintlhanganwini hikusa wa hi rhandza naswona wa swi tiva swaku leswo swi ta hi yentxa hi tikhorisa hi wutomi la ku kala li nga heli. Loko hi li mintlhanganwini hinkwerhu ha tiyisana.

DJONDZA SWIN’WANA

4. A hi fanelanga hi tirhisa swifaniso loko hi gandzela Yehovha

VHIDIYO: Xikwembu Xa Li Yamukela Wugandzeli La Swifaniso? (3:26)

• Ku yentxeke yini hi vanhu va Xikwembu va khale nkama va nga zama ku xi gandzela hi ku tirhisa swifaniso?

Vanhu van’wana va tirhisa swifaniso loko va gandzela Xikwembu hikusa va pimisa swaku leswo swi ta va yentxa va titwa va li kusuhi na xona. Kambe ku nga va swaku leyo hi yona ndlela ya yinene ya ku tshinela ka xona? Lerhani Eksoda 20:4-6 na Tipisalema 106:35, 36, mi gama mi bula hi swivutiso leswi landzelaka:

• Hi swini swilo kumbe swifaniso leswi u nga tshama u vona vanhu va swi tirhisa swaku va gandzela Xikwembu?

• Yehovha a titwisa ku yini loko vanhu va mu gandzela hi ku tirhisa swifaniso?

• Wena u titwisa ku yini hi ku tirhisa swifaniso?

5. Loko hi gandzela Yehovha ntsena a hi nga ta kanganyisiwa hi mavunhwa

VHIDIYO: A Ntshunxiwe Hi Ntiyiso (5:16)

Lerhani Tipisalema 91:14, mi gama mi bula hi xivutiso lexi landzelaka:

• Yehovha a ta hi yentxela yini loko hi mu rhandza hi tlhela hi gandzela yena ntsena?

6. Hi gandzela Yehovha amintlhanganwini

Hi dzunisa Yehovha hi tlhela hi tiyisa van’wana loko hi yimbelela hi tlhela hi hlamula amintlhanganwini. Lerhani Tipisalema 22:22, mi gama mi bula hi swivutiso leswi landzelaka:

• Wa swi rhandza ku twa vanhu na va hlamula amintlhanganwini?

• Wa swi navela ku tilunghisela swaku u hlamula amintlhanganwini?

7. Yehovha wa tsaka loko hi byela van’wana hi leswi hi swi djondzaka

Ku ni tindlela ta tinyingi leti hi nga ti tirhisaka swaku hi byela van’wana ntiyiso wa Bibele. Lerhani Tipisalema 9:1 na 34:1, mi gama mi bula hi xivutiso lexi landzelaka:

• I mpsini leswi se u nga swi djondza ka Bibele u tsakelaka ku swi byela vanhu van’wana?

LESWI HI NGA SWI DJONDZA

Hi tsakisa Xikwembu loko hi gandzela xona ntsena, hi xi dzunisa loko hi li mintlhanganwini ni ku byela van’wana leswi hi nga swi djondza.

Ku kambela leswi hi nga swi djondza

• Hi nga yi tivisa ku yini ndlela ya yinene ya ku gandzela Xikwembu?

• Hi mhaka muni hi fanele hi gandzela Yehovha ntsena?

• Hi mhaka muni hi fanele hi gandzela Yehovha xikan’we ni lava va mu tirhelaka?

LOKO U LAVA KU TIVA SWIN’WANA

Ka xiperiyensiya lexi nge “A Na Ha Gandzeli Swifaniso,” vona swaku wansati mun’wana a swi kotise ku yini ku tshika ku tirhisa swifaniso.

“Bibele Yi Hundzula Vutomi Bya Vanhu” (Murindzi wa 1 ka Julho wa 2011 hi Xitsonga)

Vona leswi nga ku pfunaka swaku u nyikela tinhlamulu amintlhanganwini.

“Dzunisa Yehovha Axikarhi ka Nhlengeletano” (Murindzi wa Janeiro wa 2019)

Vona swaku djaha lin’wana li pfunekise ku yini hi ku ya mintlhanganwini hambileswi a swi li karhatela.

Yehovha A Ni Hlayisile (3:07)

Vanhu va vanyingi va pimisa swaku Vakreste va fanele va tirhisa xihambani ka wugandzeli la vona, kambe leswo i ntiyiso?

“Hi Mhaka Muni Timboni Ta Yehovha Ti Nga Tirhisi Xihambani Ka Wugandzeli La Tona?” (Nhlokomhaka leyi nga ka site la jw.org)