XIPHEMU 9

Misava Yi Ta Va Paradesi Siku Muni?

Swilo swa ku biha leswi yendlekaka swoswi swi kombisa leswaku Mfumu wa Xikwembu wu kusuhi. Luka 21:10, 11; 2 Timotiya 3:1-5

Wubihi ni swikarhatu leswi nga toloveleka ka masiku ya hina: Ku cha majogu ya ku poxtara, tinyimpi, mavabyi, ku pfumaleka ka swakudla, ku nga yingisi vapsali, ku kala ku twanana a mindjangwini

Bibele li profete hi swilo swa swinyingi leswi yendlekaka namuntlha. Li vule leswaku vanhu va vanyingi a va ta rhandza male, va nga yingisi vapsali, va va ni tihanyi ni ku rhandza ku titsakisa.

A ku ta va ni ku tsekatseka ka misava, tinyimpi, ku pfumaleka ka swakudla ni mavabyi ya ku hambanahambana. Swilo leswi hinkwaswu swa yendleka namuntlha.

Mboni ya Yehovha na yi chumayela wanuna mahungu ya ku tsakisa ya Mfumu wa Xikwembu

Naswona, Yesu a vule leswaku mahungu ya ku tsakisa ya Mfumu wa Xikwembu a ma ta chumayeliwa amisaveni hinkwayu. — Matewu 24:14.

Mfumu wa Xikwembu wu ta helisa wubihi hinkwalu. 2 Pedru 3:13

Vanhu va ku biha va ta helisiwa ka nyimpi ya Armajedoni, ku gama ku helisiwa Sathana ni madimoni ya yena

Ku nga li khale, Yehovha a ta helisa vanhu hinkwavu lava nga ni mahanyelo ya ku biha.

Sathana ni madimoni ya yena va ta helisiwa.

Yesu na a tshame ka xitshamu xa yena xa wuhosi naswona vanhu va tinxaka ta ku hambanahambana va tsakile

Hinkwavu lava yingisaka Xikwembu va ta ponisiwa. Va ta hanya ka misava ya ku rhula leyi nga paradesi; a va nga ha ta chava nchumu naswona va ta tshembana ni ku tlhela va rhandzana.