DJONDZO 32

Mfumu Wa Xikwembu Se Wa Fuma!

La Ku Imprimiriwa

Mfumu wa Xikwembu wu sungule ku fuma tilweni hi 1914. Ku ve hi nkama wolowo ku nga sungula masiku ya wugamu ya mimfumu ya vanhu. Hi swi tivisa ku yini leswo? A hi voneni leswi Bibele se a li swi profetile hi mhaka leyi, ni leswi xiyimu xa misava xi nga tshamisa xiswona ku sukela hi 1914.

1. I mpsini leswi Bibele a li swi profetile?

Buku la Daniyele li hi pfuna ku twisisa swaku Mfumu wa Xikwembu a wu ta sungula ku fuma a ku heleni ka “7 wa minkama.” (Daniyele 4:16, 17) Loko se ku hundze malembe ya manyingi, Yesu a yi vitane “nkama lowu nga vekiwa wa matiko,” naswona a djondzise leswaku a wu nga se hela. (Luka 21:24) Minkama leyi ya 7 yi hele hi 1914.

2. I mpsini leswi yentxekaka amisaveni ku sukela hi 1914?

Vadjondzisiwa va Yesu va mu vutise va ku: “Swi ta yentxeka siku muni swilo leswi naswona xi ta va xihi xikombiso xa nkama wa ku vuya ka wena ni xa ku hela ka misava?” (Matewu 24:3) Ka nhlamulu ya yena, Yesu a vulavule hi swilo swa ku tala leswi a swi ta humelela loko a sungula ku fuma atilweni tani hi Hosi. Swin’wana swa swona a ku ta va tinyimpi, ku pfumaleka ka swakudla, ni ku tsekatseka ka misava. (Lerha Matewu 24:7.) Bibele li profete swaku matshamelo ya vanhu va “masiku ya wugamu” a ma ta yentxa swaku wutomi li “karhata”. (2 Timotiyu 3:1-5) Mahanyelo lawa ya vanhu ni swilo leswi swa ku biha, swi ye swi tinyika matimba ku sukela hi 1914.

3. Hi mhaka muni swilo swa ku biha swi ye swi tinyika matimba ku sukela loko Mfumu wa Xikwembu wu sungule ku fuma?

Loko Yesu a ha ku vekiwa swaku a va Hosi ya Mfumu wa Xikwembu, a lwe na Sathana ni madimoni ya yena amatilweni. Sathana a hluliwile. Bibele li vula leswaku ‘a txukumetiwe hansi misaveni yena ni tintsumi ta yena.’ (Nhlawutelo 12:9, 10, 12) Sathana a kwate hintamu hikusa wa swi tiva swaku a ta helisiwa a nga ha li kona. Hi mhaka leyo, a yentxa swaku ku va ni ku hlupheka ni ku karhateka amisaveni hinkwayu. Se a swi hlamalisi kuva lani misaveni ku tale hi wubihi hi ndlela leyi, kambe Mfumu wa Xikwembu wu ta swi helisa swikarhatu leswi hinkwaswu.

DJONDZA SWIN’WANA

Kambisisa swaku hi swi tivisa ku yini swaku Mfumu wa Xikwembu wu sungule ku fuma hi 1914, u tlhela u vona swaku leswo swi hi pfuna ku va hi yentxa yini.

4. Wuprofeta la Bibele li kombetela ka 1914

Sixtirani VHIDIYO.

VHIDIYO: Mfumu Wa Xikwembu Wu Sungule Ku Fuma Hi 1914 (5:02)

Xikwembu xi yentxe swaku Hosi Nebukadnetsara, lweyi a a li hosi ya Babilona a va ni norho. Ka norho wa kona, Yehovha a kombise leswi a swi ta yentxeka ka nkama lowu taka. Daniyele a tlhamusele leswi norho lowu a wu vula swona. Phela norho lowu, a wu tirha ka mfumu wa Nebukadnetsara ni ka Mfumu wa Xikwembu. — Lerhani Daniyele 4:17.a

Lerhani Daniyele 4:20-26, mi gama mi tirhisa kwadru leli nga ka pajina 133 swaku mi hlamula swivutiso leswi landzelaka:

(A) Nebukadnetsara a vone yini ka norho wa yena? — Vona tindzimana 20 na 21.
(B) A ku ta yentxeka yini hi nsinya? — Vona ndzimana 23.
(C) A ku ta yentxeka yini loko yi hela “7 wa minkama”? — Vona ndzimana 26.

A Norho Wa Nsinya Wu Fambisana Ndjhani Ni Mfumu Wa Xikwembu

WUPROFETA (Daniyele 4:20-36)

Mfumu

(A) Nsinya wa wukulu

A wu ta nyima ku fuma

(B) “Tsemani nsinya,” ku fikela “loko ku hundze 7 wa minkama”

Xigodo lexi nga bohiwa hi nsimbi ni kobre.

A wu ta tlhela wu fuma

(C) “Mfumu wu ta tlhela wu va wa wena”

Nkama wuprofeta li nga hetiseka hi khambi la ku sungula . . .

(D) A nsinya a wu nyimela mani? — Vona ndzimana 22.
(E) A nyime ku fuma hi nkama muni? — Lerhani Daniyele 4:29-33.
(F) I mpsini swi nga humelela Nebukadnetsara loko se ku hundze “7 wa minkama”? — Lerhani Daniyele 4:34-36.

KU HETISEKA KA KU SUNGULA KA WUPROFETA

Mfumu

(D) Nebukadnetsara, Hosi ya Babilona

Hosi Nebukadinazara na a nyimile a tlhela a tibyela.

A wu ta nyima ku fuma

(E) Loko se ku hundze lembe la 606 na Yesu a nga se ta misaveni, Nebukadnetsara a sungule ku hlanya naswona a nga swi kotanga ku fuma ku ringana 7 wa malembe

Nebukadinazara na a dla byanyi ku fana ni xiharhi.

A wu ta tlhela wu fuma

(F) Nebukadnetsara a va kahle a tlhela a sungula ku fuma

Hosi Nebukadinazara na a tlakusa mavoko a txuvuka tilweni.

Nkama wuprofeta li nga hetiseka ka khambi la wumbirhi . . .

(G) A nsinya a wu nyimela mani? — Lerhani 1 Tikronika 29:23.
(H) Va nyime ku fuma hi nkama muni? Hi swi tivisa ku yini swaku a va nga se sungula ku fuma hambi hi nkama lowu Yesu a a li lani misaveni? — Lerhani Luka 21:24.
(I) Mfumu lowu wu tlhele wu sungula ku fuma kwini naswona hi nkama muni?

KU HETISEKA KA WUMBIRHI KA WUPROFETA

Mfumu

(G) Tihosi ta Israyele leti a ti nyimela Mfumu wa Xikwembu

Tihosi leti nga fuma Aisrayele hi ku landzelelana. Ku ni ku voninga ndzhaku ka tona.

A wu ta nyima ku fuma

(H) Yerusalema a lovisiwa, tihosi ta Israyele ti nyima ku fuma ku ringana 2.520 wa malembe

Doropa la Yerusalema na li helisiwa hi ndzilu hi lembe la 607 A.E.C. Ku gama ku hundza 2.520 wa malembe.

A wu ta tlhela wu fuma

(I) Yesu a sungula ku fuma atilweni tani hi Hosi ya Mfumu wa Xikwembu

Yesu a sungula ku fuma na li matilweni ku sukela hi 1914 E.C. Lani a nga kona ku ni ku voninga.

I malembe mangaki ma nga hela ka 7 wa minkama?

Ku ni tindzimana tin‘wana ta Bibele ti hi pfunaka ku twisisa xiyenge xin’wana xa nkama lowu. Hi xikombiso, a buku la Nhlawutelo li hi byela swaku a 3 wa minkama ni hafu yi ringana ni 1.260 wa masiku. (Nhlawutelo 12:6, 14) Se loko hi yi phinda kambirhi minkama leyi yi ringana 7 wa minkama, ku nga 2.520 wa masiku. Minkama yin’wana loko Bibele li vulavula hi siku lin’we li va li vulavula hi lembe lin’we. (Ezekiyele 4:6) Leswi hi leswi nga yentxeka ka 7 wa minkama leyi thlamuseliwaka ka buku la Daniyele. Yona yi nyimela 2.520 wa malembe.

5. Misava yi txintxe ngopfu ku sukela hi 1914

Sixtirani VHIDIYO.

VHIDIYO: Misava Yi Txintxile Ku Sukela Hi 1914 (1:10)

Yesu a profete leswaku misava a yi ta tshamisa ku yini loko a sungula ku fuma tani hi Hosi. Lerhani Luka 21:9-11, mi gama mi bula hi xivutiso lexi landzelaka:

Ka swilo leswi hinkwaswu, hi swini leswi u swi vonaka swi yentxeka namuntlha?

Mupostolo Pawulo a tlhamusele leswi vanhu a va ta tshamisa xiswona ka masiku ya wugamu ya ku fuma ka vanhu. Lerhani 2 Timotiyu 3:1-5, mi gama mi bula hi xivutiso lexi landzelaka:

U pimisa swaku vanhu va swi yentxa leswi ka masiku ya hina?

Mafoto: Mafoto lawa ma kombisaka leswi misava yi nga tshamisa xiswona ni leswi vanhu va swi yendlaka ka masiku ya wugamu. 1. Murhangeli wa masonchwa na a huwelela na a tlakuse mavoko. 2. Tiyindlo leti nga dilika hi mhaka ya ku tsekatseka ka misava. 3. Mavhiyawu ya nyimpi. 4. Vanhu lava va nga yambala mamaxkara. 5. Maprediyu mambirhi ya ku fana ya Nova York na ma hisiwa hi vaterorixta. 6. Wanuna lweyi a tirhisaka madroga. 7. Wanuna lweyi a bongelaka nsati wa yena a tlhela a lava ku mu ba. 8. Madroga ni mabyala ya ku hambanahambana. 9. Vavasati vambirhi va tisusa mufoto na va yambale mpahla ya ku dura ni ma cordão, switlan’wani ni mapulsera ya ku dura. 10. Vanhu lava va txinaka va tlhela va yimbelela. 11. Munhu lweyi a nga tereka a txukumetela xibolhelani lexi nga ni gasolina na xi pfurha.

6. Hi lava ku seketela Mfumu wa Xikwembu

Lerhani Matewu 24:3, 14, mi gama mi bula hi swivutiso leswi landzelaka:

Hi wini ntirho wa lisima lowu kombisaka leswaku Mfumu wa Xikwembu se wa fuma?
I yini leswi wena u nga swi yentxaka leswaku u va ka ntirho lowu?

Mfumu wa Xikwembu se wa fuma. Naswona siku la leswaku wu fuma misava hinkwayu se li kusuhi. Lerhani Vaheberu 10:24, 25, mi gama mi bula hi xivutiso lexi landzelaka:

Leswi siku leli se li nga kusuhi, i mpsini leswi mun’wana ni mun’wana wa hina a faneleke a swi yentxa?

Mafoto: 1. Xidjondzo xa Bibele na xi li ka mintlhanganu ya Timboni ta Yehovha. 2. Xidjondzo xolexi xa xin’we na xi chumayela munhu lweyi xi mu tivaka. — Loko a wo tiva nchumu lowu a wu ta pfuna ni ku tlhela wu ponisa van’wana, a wu ta yentxa yini?

VANHU VAN’WANA VA NGA KU VUTISA VA KU: “Hi mhaka muni lembe la 1914 li li la lisima ka Timboni ta Yehovha?”

A wu ta hlamulisa ku yini?

LESWI HI NGA SWI DJONDZA

Wuprofeta la Bibele ni leswi yentxekaka misaveni, swi tiyisekisa leswaku Mfumu wa Xikwembu se wa fuma. Loko hi chumayela ni ku va kona mintlhanganwini hi kombisa leswaku ha swi tshemba leswo.

Ku kambela leswi hi nga swi djondza

A buku la Daniyele li vulavula hi 7 wa minkama, ku yentxeke yini a ku heleni ka yona?
I ntxini lexi ku kholwisaka swaku Mfumu wa Xikwembu wu sungule ku fuma hi 1914?
U nga swi kombisisa ku yini swaku wa kholwa leswaku Mfumu wa Xikwembu se wa fuma?

Ni hete djondzo leyi hi diya:

Zama ku yentxa leswi

Yentxa hinkwaswu leswi lavekaka leswaku u va muchumayeli wa mahungu ya ku tsakisa.

Swin’wana:

Swin’wana leswi u nga swi fikelelaka

LOKO U LAVA KU TIVA SWIN’WANA

Vona leswi vatsali va swilo leswi nga yentxeka khale va swi vulaka hi leswi misava yi nga txintxisa xiswona ku sukela hi 1914.

“O tempo em que a moral foi corrompida drasticamente” (Khindlimuka! wa Abril wa 2007 hi Xiputukezi)

Vona leswi wuprofeta leli nga ka Matewu 24:14 li nga txintxisa xiswona wutomi la wanuna mun’wana.

“A Ndzi Rhandza Baseball Ku Tlula Hinkwaswo!” (Murindzi wa N.^o 3 wa 2017 hi Xitsonga)

Hi swi tivisa ku yini swaku wuprofeta la Daniyele ndzima 4 la tirha ni ka Mfumu wa Xikwembu?

“Xana Mfumo Wa Xikwembu Wu Sungule Rini Ku Fuma? (Xiyenge 1)” (Murindzi, wa 1 ka Outubro wa 2014 hi Xitsonga)

Hi swi tivisa ku yini swaku a “7 wa minkama” leyi ku vulavuliwaka hi yona ka Daniyele ndzima 4 yi hele hi 1914?

“Mfumo Wa Xikwembu Wu Sungule Rini Ku Fuma? (Xiyenge 2)” (Murindzi wa 1 ka Novembro wa 2014 hi Xitsonga)

a Vona tinhlokomhaka timbirhi ta wugamu ka xiyenge lexi nge: Loko U Lava Ku Tiva Swin’wana ka nhlokomhaka yoleyi.