DJONDZO 52
Hi Mhaka Muni Mpahla Ya Hina Ni Ndlela Leyi Hi Tisasekisaka Hi Yona Swi Li Swa Lisima?
Hinkwerhu hi ni mfanelo ya ku langa leswi hi rhandzaka ku swi yambala ni leswi hi lavaka ku tixongisa hi swona. Loko hi tirhisa leswi Bibele li hi byelaka swona, hi ta swi kota ku langa mpahla leyi hi yi rhandzaka yi tlhela yi tsakisa Yehovha. A hi buleni hi leswi Bibele li swi djondzisaka.
1. Hi wani matshinya ya minawu ya Bibele lawa ma nga hi pfunaka ku langa mpahla ni ku tisasekisa hi ndlela ya yinene?
Hi fanele hi langa ‘mpahla ya ku hlonipheka, hi nga tixongisi ku tlula mpimu kambe hi mimpimiso ya yinene’, hi tlhela hi tshama na hi basile leswaku vanhu va ta kota ku swi vona swaku hi “tinyiketelile ka Xikwembu”. (1 Timotiyu 2:9, 10) Vona 4 wa matshinya ya minawu ya Bibele: 1) Mpahla ya hina yi fanele yi “hlonipheka”. Swi nga yentxeka se u swi vonile swaku ka mintlhanganu ya hina, vanhu va Yehovha va dloka hi ndlela ya ku hambana. Kambe mpahla ya hina ni leswi hi yi lunghisisaka xiswona misisi ya hina swi kombisa swaku ha xi hlonipha Xikwembu lexi hi xi gandzelaka. 2) ‘Ku tixongisa ku tlula mpimu’ swi vula ku yambala mpahla leyi nga ta yentxa swaku van’wana va pimisa minchumu ya ku biha hi hina kumbe ku yentxa swaku va hi txuvukisela hintamu. 3) Hi kombisa swaku hi ni “mimpimiso ya yinene” loko hi nga landzeleli mimoda ya misava leyi. 4) Minkama hinkwayu ndlela leyi hi dlokaka ni ku tisasekisa hi yona, yi fanele yi kombisa swaku hi “tinyiketelile ka Xikwembu”, swi tlhela swi tikomba ka van’wana swaku hi tirhela Xikwembu xa ntiyiso. — 1 Vakorinto 10:31.
2. Madlokelo ya hina ma nga va khumbisa ku yini vamakwerhu?
Hambileswi hi nga ni mfanelo ya ku langa leswi hi lavaka ku swi yambala, kambe hi fanele hi pimisa swaku van’wana va ta titwisa ku yini hi mpahla ya hina. Hi fanele hi yentxa hinkwaswu swaku hi nga danisi van’wana kumbe ku va yentxa va vaviseka hi madlokelo ya hina. Kambe ku hambana ni leswo, hi lava ku ‘yentxela van’wana swa swinene leswaku hi va tiyisa.’ — Lerha Varoma 15:1, 2.
3. Mayambalelo ya hina ma nga va kokisa ku yini van’wana swaku va djondza ntiyiso?
Hi fanele hi yambala kahle minkama hinkwayu kambe i swa lisima hintamu ku yentxa leswo loko hi ya mintlhanganwini ni le nsin’wini. Hi fanele hi tivonela swaku vanhu va nga ma yali mahungu ya ku tsakisa hi mhaka ya leswi hi dlokisaka xiswona. Kambe hi navela swaku mayambalelo ya hina ma yentxa swaku vanhu va lava ku tiva mahungu ya ku tsakisa ma tlhela ma ‘xongisa djondzo ya Muponisi wa hina’. — Tito 2:10.
DJONDZA SWIN’WANA
Vona swaku ndlela leyi hi yambalaka ni ku tisasekisa hi yona, yi nga va pfunisa ku yini van’wana kuva va swi vona swaku hi Vakreste va ntiyiso.
Madlokelo ya hina ma nga swi kombisa swaku ha va hlonipha lava va rhangelaka tiko. Hambileswi Yehovha a vonaka leswi hi nga xiswona ka timbilu ta hina, madlokelo ya hina ma fanele ma kombisa swaku ha mu hlonipha
4. Loko hi yambala hi ndlela ya yinene hi kombisa swaku hi hlonipha Yehovha
I mpsini swi hi yentxaka hi va ni mhaka hintamu ni leswi hi dlokisaka xiswona? Lerhani Tipisalema 47:2, mi gama mi bula hi swivutiso leswi landzelaka:
Hina hi tirhela Yehovha. Se leswo, swi ma khumbisa ku yini mayambalelo ya hina?
Indje swa twala ku va ni mhaka ni leswi hi dlokisaka xiswona loko hi ya mintlhanganwini kumbe nsin’wini? Hi mhaka muni?
5. Hi nga yentxa yini swaku hi tixongisa kahle hi tlhela hi langa mpahla ya yinene?
A swi na mhaka swaku mpahla ya hina ya durha kumbe a yi durhi, kambe yi fanele yi tshama na yi basile yi tlhela yi fambelana ni swiyimu leswi hi nga ka swona. Lerhani 1 Vakorinto 10:24 na 1 Timotiyu 2:9, 10. Mi gama mi bula hi swaku hi mhaka muni hi nga fanelanga hi yambala mpahla . . .
ya ku tsundza kumbe ya ku kala yi nga tshamisekanga.
ya ku manya, ya ku vonekela kumbe leyi yentxaka van’wana va pimisa hi swa masangu.
Hambileswi Vakreste va kalaka va nga ha li hansi ka Nawu wa Moxe, kambe wona wu kombisa mapimiselo ya Yehovha. Lerhani Deteronoma 22:5, mi gama mi bula hi xivutiso lexi landzelaka:
Hi mhaka muni hi nga fanelanga hi dloka kumbe ku tisasekisa hi ndlela leyi yentxaka swaku wanuna a tikomba ingi i wansati kumbe wansati a tikomba ingi i wanuna?
Lerhani 1 Vakorinto 10:32, 33 na 1 Yohani 2:15, 16, mi gama mi bula hi swivutiso leswi landzelaka:
Hi mhaka muni hi fanele hi tivonela swaku a mayambalelo ya hina ma nga kwatisi vanhu lomu hi tshamaka kona kumbe abandleni?
Vanhu va tolovela ku dloka ni ku tisasekisa hi ndlela yihi lomu u tshamaka kona?
U pimisa swaku a mimoda yoleyo yi kahle ka Vakreste? Hi mhaka muni?
Hi nga yambala ni ku tisasekisa hi tindlela ta ku hambanahambana leti tsakisaka Yehovha
VAN’WANA VA LI: “Mina ni yambalisa leswi ni swi lavisaka xiswona.”
U li yini hi mapimiselo lawa? Hi mhaka muni?
LESWI HI NGA SWI DJONDZA
Loko hi dloka kahle ni ku tisasekisa hi ndlela ya yinene hi kombisa swaku hi hlonipha Yehovha ni vanhu van’wana.
Ku kambela leswi hi nga swi djondza
Hi mhaka muni leswi hi yambalisaka xiswona ni ku tixongisa swi li swa lisima ka Yehovha?
Hi wani matshinya ya minawu ya Bibele lawa ma nga hi pfunaka ku langa kahle mpahla ya hina?
Madlokelo ya hina ma nga va khumbisa ku yini vanhu lava va lavaka ku tiva ntiyiso?
LOKO U LAVA KU TIVA SWIN’WANA
Mpahla ya wena yi kombisa yini hi wena.
“Ndzi Languteka Njhani?” (Nhlokomhaka leyi nga ka site la jw.org hi Xitsonga)
Vona swaku hi mhaka muni u fanele u pimisa na u nge se hamba matatuwajem.
Vona swin’wana leswi nga hi pfunaka swaku hi yentxa swiboho swa kahle.
Vona ndlela leyi wansati mun’wana a nga djondza hi yona ku yamukela leswi van’wana va yambalisaka xiswona.