I Yini Xitresi?

Xitresi hi leswi yendlekaka ka mirhi wa wena loko u kumana ni swikarhatu swa swikulu. Loko u ni xitresi, vongo kumbe cérebro la wena li humesa swilo leswi vitaniwaka mawormona leswi rhendzelekelaka ka mirhi wa wena. Mawormona wolawo ma yendla leswaku mbilu ya wena yi ba hintamu, ngati yi tsutsuma ngopfu, minsiha yi tiya, ma tlhela ma yendla leswaku maphaphu ya wena ma kukumuka kumbe ma b’ohla. Loko swoleswo swi yendleka, ni kuswi twa awuswi twi kambe mirhi wa wena wu va nawu lunghekile. Loko xitresi xi hela, mirhi wa wena wa tlhantlheka ivi wu tlhelela ka xiyimu xa khale.

XITRESI XA KAHLE NI XA KUKALA XINGA LI KAHLE

Xitresi xi lunghiselela mirhi wa hina swaku wu kota kuhlula swiyimu swa kukarhata kumbe leswinga ni nghozi. Phela xitresi xi sukela ka vongo. Xitresi xa kahle xiku pfuna kuva u yendla swa kukarhi hi kuhantlisa. Mpimu wa kukarhi wa xitresi wungaku pfuna kuhetisisa leswi uswi lavaka kumbe kuku pfuna kuyendla kahle swilo swin’wana swa kufana ni kuyendla maprovha, loko u kambeliwa leswaku u kuma ntirho kumbe loko u li ka mintlangu.

Kambe kutshamela kuva ni xitresi swi ni nghozi. Loko u tshamela kuva ni xitresi nkama ni nkama ungaha sungula kuvabya, kutshama na u kwatile kumbe miyehleketo ya wena yingaha tirhi kahle. Mahanyelo ya wena ni leswi uva khomisaka xiswona van’wana swingaha cinca. Kutshamela kuva ni xitresi swinga yendla munhu a sungula kuphuza, kudzaha kumbe kuyendla swilo swin’wana swa kukala swinga li kahle akuva a susa xitresi. Naswona swingahamu yendla a karhateka, a hela ntamu a pimisa ni kutisunga.

Hambileswi xitresi xi kalaka xingahi khomi hi ndlela ya kufana, kambe xingahi tisela mavabyi ya kutala naswona xinga khumba mirhi wa hina hinkwawu.