Leswi Swi Nga Yendliwa Hi Makwerhu Mun’wani Wa Xisati

A Hi Va Tweleni Wusiwana Vanhu Van’wani

Makwerhu mun’wani wa Nova Zelândia, siku lin’wanyani a sixtire vhidiyo leli a li vulavula hi ku va hi hlayisana hinkwerhu. Funtshi a vhidiyo leli a li kombisa swaku Yehovha i xikombiso xaxinene hikusa yena a ngo va twela wusiwana ntsena vanhu, kambe a gama a yendla nchumu swaku a va pfuna. (Esa. 63:7-9) Loko makwerhu lweyi a game ku sixtira vhidiyo leli a game a navela ku tekelela xikombiso xa Yehovha, na yena a lava ku komba van’wani ntwelawusiwana. Se, hi siku loleliyani a nga sixtira hi lona vhidiyo, a nkama a nga ya xitolo a kumane ni wansati mun’wani lweyi a tshamaka xitaratwini, se yena a tirhise leswi a nga swi djondza hi ku va a mu xavela swakudla wansati lwiya. Se a nkama a nga mu fikisela swakudla leswiyani, a game a mu komba xiphephani lexi nge Xana Ku Hlupheka Ku Ta Hela?

Loko wansati lwiyani a xi vonile xiphephani lexiyani, a sungule ku rila. A gama a mu tlhamusela swaku ‘phela mina a ni li Mboni ya Yehovha malembe ndzhaku, ni yo gama ni huma ka swona. Kambe masikunyana ya swoswinyana a ni khongela ni kombela swaku wena Yehovha ni pfuni swaku ni tlhela ni tlhelela ka wena’. Makwerhu lwiyani a game a mu nyika Bibele, va gama va kombinara a ku sungula xidjondzo xa Bibele.a

Leswi swi hi djondzisa swaku na hina hi fanele hi mu tekelela Yehovha kun’wani ni kun’wani lani hi nga kona, hi komba vanhu ntwelawusiwana, ku nga ha va maxaka ya hina kumbe vanghanu va hina. A ku na mhaka swaku hi mani kambe hi lava ku lavetela tindlela ta ku va hi komba van’wani ntwelawusiwana hi ku va hi va djondzisa hi Yehovha.