Ku Dezenyara Swi Nga Hi pfuna Ku Khumbuka

Ku tala ka hina swa hi karhatela ku khumbuka minchumu leyi hi yi djondzaka. Kambe minchumu ya yinyingi leyi Yesu a nga yi djondzisa swa hi vevukela kuva hi yi khumbuka. Hi mhaka muni? Hi mhaka Yesu a a tirhisa swikombiso, naswona swikombiso swoleswo swi tekela ku ta ka mimpimiso ya hina swi tlhela swi hi pfuna ku khumbuka leswi a a lava ku swi djondzisa ka swikombiso swoleswo. Hilani ku fanaka, swi nga ku vevukela ku khumbuka leswi u swi djondzaka loko u yendla xan’wanchumu lexi nga ku pfunaka swaku u khumbuka. Xin’wani u nga xi yendlaka i ku hamba madezenyu.

Lava yendlaka madezenyu va tolovela ku khumbuka leswi va nga swi djondza hi nkama wa ku leha ku tlula lava kalaka va nga dezenyari. Madezenyu ma hi pfuna leswaku hi khumbuka mhaka leyi hi nga djondza hi yona, ku nga li marito ntsena. Phela a swi zi swi lava swaku madezenyu ya kona ma saseka; hambi madezenyu ya ku kala ma nga sasekanga ma nga hi pfuna swaku hi khumbuka leswi hi nga swi djondza. Ku dezenyara swa va pfuna vanhu vavanyingi lava nga guga leswaku va khumbuka leswi va nga swi djondza.

Swi ngo yini u zama ku hamba madezenyu ka khambi li taka loko u djondza? Loko u yendla leswo, u ta hlamala hintamu hi minchumu ya yinyingi leyi u nga ta yi khumbuka.