KURHAMARHIKUA 2
¿Nénajtsï uá mítini Tata Diosïni?
“Ari karakata Leiri no méni jatsisti para kéndikuni chíti penchumikuarhu, chúrikua ka jurhiatikua jatsiskari para eratsintani parari patsani iámindu ambe eska na karakata jaka, jimbokari jiájkani mímixekua jingoni jámaaka ka sésiri jauaka.”
(Josué 1:8)
“Seguirisptiksï uinhachaparini arhintani libruni, Tata Diosï jurhimbitiri Leini, explikarikuarhisïrendi, ka uandanksï ambesï arhikuekaeni; ka jarhuatasïrendiksï kʼuiripuni paraksï kurhanguni ambe engaksï arhintani japka.”
(Nehemías 8:8)
“Kánikua tsípikuarhisïndi ima enga no méni jámaka na engaksï no sési úricha uandajka [...]. Sánderu sési, kánikua tsípikuarhisïndi Jeobaeri leini jimbo, ka chúrikua ka jurhiakua eratsintaparini arhintasïndi Imeri leini [...], ka iámindu ambe enga uáka, sési uérakuati.”
(Salmo 1:1-3)
“Ka Felipi andarhieraspti [Etiopini], ka kurhajchaspti achatini eska arhipantaxapka uandajtsïkpiti Isaiasiri karakatani, ka kurhamarhispti: ‘Tata, ¿kurhandisïndi engari arhintani jaka?’ Ka ima arhispti: ‘¿Nanina uá kurhandini engarini no nema jorhendaaka?’.”
“Jimboka iámindu imeri ambe enga no xarharajka, komueska imeri uinhapikua enga méntkisï jindeeka ka imeri Diosïkua, xarharaska desde jimajkantki úndani enga parhakpini kueraanhaka, jimboka mítinhasïnga iámindu ambe jimbo enga úkateka.”
“Méntku jauena eratsini ini ambe, ka mintsita jingoni ísï ú, paraka xarharaaka iáminduechani japarini eskari seguirixaka para orhepani.”
“Ka jaue jirinhatsperantani modu nani engachi na uáka jarhuajperani parachi úni uékperani ka ambakiti ambe úni. Ka jaue no kueratani siemprini tánguarhini.”
“Enga nema kueratajka jánhaskani ambe, kómarhie [Tata] Diosïni eska jánhastaaka ka ima ísï uáti, jimboka ima tsípekua jingoni jánhastaasïnga iáminduechani.”