¿Ambe aiatspisïni Biblia para sánderu orhepani?

“Echeri jurhimbiticheriuati, ka jimaksï irekaati para méntkisï.”

(Salmo 37:29)

“Echeri para méntkisï jauati.”

(Eclesiastés 1:4)

“Ima antaati uarhikuani para méntkisï, ka juchari Juramuti Jeoba kutsunharhikuauati uekua iáminduechani.”

(Isaías 25:8)

“Imani tiempu jimbo sieguechaksï éskantaati, ka kándichaksï kurhauati. Imani tiempu jimbo imecha enga no újka xanharani, ísïksï tsanguaraati eska axuni ma, ka imecha engaksï no újka uandani, tsípikua jingonksï uandaati. Jimboka desierturhu itsï uétsiaka, ka iorhekuechaksï jauati jima enga kánikua kʼarhindika.”

(Isaías 35:5, 6)

“[Tata] Diosï kutsunharhikuauati iámindu uekua, ka nóteru jauatia uarhikua, ka ni uandanhiata, ka nóteru nema ueraati o pʼamenchani, jimboka nitamaakia iámindu ueenani anapu ambe.”

(Jaŋaskuecha [Apocalipsis] 21:4)

“Uátiksï kʼumanchikuechani ka jimaksï irekaati; ikaraatiksï frutani ka imaksï akuati. Nóksï uáti kʼumanchikuani ka máteru nema irekani; nóksï ikaraati ka máteru nema akuni. Jimboka ísï ióni irekaaka juchiti ireta, eska anhatapu ma; ka juchiti erakukatechaksï marhuataati ambe engaksï uáka imecheri jájkicha jingoni.”

(Isaías 65:21, 22)