Saserdote ma jurajkusïndi imeeri relijionini

¿Ambejtsïni uaa aianguni engajtsï sapichuepka?

Italia andajpenuska 1943 jimbo. Juchiiti ermanuecha ka ji ireta sapichurhuchi ma kʼuiripespka. Juchiiti taati tarherispti ka karpinteru. Taatichajtsïni jorhendasti relijioni katolikeri ambe.

¿Andijtsïsï uékapi saserdotiini?

Engani sapiipka tsitisïreenga nirani misa para kurhajchani saserdotini. Tsitisïreenga na enga uandaenga ka ambe enga xáni uénga, jimbosïni uékapka saserdotiini. Ka engani 13 uéxurhini jatiripka juchiiti nándirini páspti internadurhu, jimaksï sapiicha sánderu ambe jorhendanhasïreendi engaksï uékeenga saserdotiini.

Engajtsï jima japka, ¿úrasïreenksï Bibliani?

No xáni. Engani 15 uéxurhini jatiripka, jorhentpiririni ma íntskuspti libru ma enga Ebanjeliuecha jingoniika —engaksï jindeeka uandantskuecha Jesúsiri irekueri ambe— ka uánikua xanhari arhintaska. Engani 18 uéxurhini jatiripka niraspka irekani Roma para nirani unibersidadicharhu engaksï katolikueka, enga papa orhekupajka. Ka jima jorhenguarhiska idioma latini ka griegu, ka ístu istorieri ambe, filosofieri, sikolojieri ka máru ambe Tata Diosïri. Ka nájkirukachi úraenga máru Biblieri tekstuechani ka kurhaani Biblieri arhintskuani misarhu dominguechani, nóchi jorhenguarhisïreenga Bibliani.

Imani tiempu jimbo engajtsï enkargadu japka seminariurhu, ¿ístujtsï jorhentpesïreeni?

Sánderu méntkisï ofisinarhu ánchikuarhisïreenga, peru niáraspka jorhentpini ima juramukuecheri engaksï Concilio Vaticano II jimbo jaka.

¿Andijtsïsï uénapi dudarini iglesia katolikaeri?

Tanimu ambe jimbo: exesïrenga eska Iglesia inchamukusïreenga politikarisï, eska no no sési exesïreenga ambe engaksï ueenga saserdoticha ka ístu imeecha engaksï katolikueka, ka eska máru ambe enga relijioni katolika jorhentpijka no ísïiska. Pori ejemplu, ¿néna uaa Tata Diosï uékpiti ma méntkisï kastigarini jarhani kʼuiripuni ma enga uarhijka? ¿Ka meru uékasïni eskachi úraaka rosariuni para méntkisï májku ambe kómarhini jarhani pauani pauani?a

¿Peru ambejtsï úspi?

Ueparini kurhakuspka Tata Diosïni eskarini jarhuatapiringa; piáspka Biblia de Jerusalén ma, enga apenasi uérapka italianu jimbo ka úndaspka arhintani. Domingu ma jimbo tsípa, engani kʼamarapkia misa arhini ka tirhipani jarhani juchiiti sotana, niárasptiksï tsimani acheeticha seminariurhu. Arhisptijtsïni eskaksï Jeobaeri testiguechespka ka úndaspkachi uandontskuarheni. Jukari ma orachi uandontskuarhespka Biblieri ambe ka ambe enga uandajka relijioni jurhimbitiri ambe.

Ka engajtsï uandontskuarhepka Testiguecha jingoni, ¿ambeksïni ísku pakataspi?

Ískujtsïni pakataspti na engaksï uandaenga ka na engaksï sési úrenga Biblia katolikani ma para arhiantani tekstuechani. Sánderu tátsekua, Testigu ma enga Mario arhinhajka pʼorhembisptireni, kánikua tekaantskua jatsispti, ka sábaduechani nájkiruka janipiringa o nómbe, tentenastasïreendi seminariurhu puertarhu a las nuebe jimbo tsípa.

Ka engaksïni nireenga pʼorhembini, ¿ambeksï uandasïreeni máteru saserdoticha?

Pʼímarhiaspka parachi májku k’éri jorhenguarhini Biblieri ambe, peruksï no uékaspti ka ji kánikua tsitisïreenga. Ambakiti ambe jorhenguarhixapka, pori ejemplu, jorhenguarhiska andisï Tata Diosï jurajkuni jaki eska jauaka no sési ambe ka komu nitamakua, ma ambe engani ji no kurhanguenga.

¿Arhispiksïni eskajtsï nóteru jorhenguarhipiringia Biblieri ambe imeecha engaksïni orhechepaenga?

Uéxurhini 1975 jimbo uánikua uelta niraspka Roma para uandani imeeri ambe engani jorhenguarhini japka. Imeecha engajtsïni orhechipenga jánguarhisptiksï parajtsïni jakajkutarani eskani no sési úxapka, peruksï no úraspti Bibliani. Últimu, 9 de eneru de 1976 jimbo, karaspka karakata ma engani uandenga eskani nóteru Iglesia jingoni kuenta úkuarhipiringia ka axaspka Roma; tsimani jurhiani tátsekua jimbo kéndikuarhispka seminariurhu ka niraspka primeru uelta tánguarhikuarhu ma Jeobaeri testiguecha jingoni, jindeespti kʼéri tánguarhikua ma engaksï jimbo japka uánikua kúnguarhikuecha. ¡Iámindu ambe kánikua ménderuenisti! Mándani kʼuiripu kámaxapti Bibliani ka jirinhantaxaptiksï tekstuechani enga mándani arhijtsïkpiti uandaenga.

¿Ambe uandaspi chaari familia engajtsï i ambe úpka?

Sáno iáminduechaksï ikiaspti. Peruni mítespka eska juchiiti ermanu ma jorhenguarhixapka Biblieri ambe Testigu ma jingoni jini Lombardía, Italia nortirhisï. Niraspka pʼorhembini ka jima anapu testiguechajtsïni jirinhachespti nani irekani ka ánchikuarhita ma. Ka ima mismu uéxurhini Jeobaeri testigu úkuarhispka.

¿Uandapirintsï eskajtsï no sési erakuska?

¡Nómbe! Iásï kʼóruni pʼikuarheraska eskani andarhierasïnga Tata Diosïni, jimbokani jorhenguarhiskia neeski ima ísï eska na jorhentpijka Biblia, ka no eskaksï na jorhentpijka máteruecha o eska na pʼindenhakia Iglesiarhu. Iásï míteskia eskani aianguasïnga kʼuiripuechani imani ambe enga jurhimbikueka.