Israelitecha inchasïndiksï Kanaani

JUKARI 470 uéxurhini isï ante de Israeli Kanaani inchani, Jeoba aiakuspti Abranini eska echeri Kanaani anapu imeri uájpecheripiringa. Ka iásï, enga Josue orhekuapani jaka israelitechani, sánitituterku kueratasïndia paraksï inchaakuni Echerirhu engaksï aiaminhapka.

Kanaani anapuecha jukariksï no sési úrispti ka ískuksï ambe ma útsperasïrendi, isï jimbosï Tata Diosï uandapti eskaksï iáminduecha uarhipiringa. Arhiaspti israelitechani eskaksï kʼamajkuapiringa iretechani engaksï Kanaani japka.

Ante de inchanksï Kanaani, Josue tsimani achatichani axaspti parakaksï nipiringa exeni na enga japka paisi. Íksï inchaspti Jeriko ka pakarasptiksï Raabiri kʼumanchikuarhu. Nájkiruka mítipka eskaksï israelitechaespka, jurajkuaspti eskaksï jima jirikuarhipiringa. ¿Andi? Jimboka kurhanderaspka milagruechani enga Jeoba uápka para kuájpintani imeri iretani, ka uénaspti jakajkuni Jeobani. Raabi úspti eska inde achaticha aiakupiringaksï eskaksï kuájchakupiringa imani ka imeri familiani engaksï inchapiringia Jeriko.

Sánderu tátsekua, engaksï israelitecha Kanaani japkia, Jerikoksï uénaspti inchani. Ka Jeoba úspti eskaksï bardecha kuarhatsepiringa ka sondaduecha uénaspti iáminduechani uándikuani, joperu Raabi ka imeri familia tsípitiksï pakaraspti. Ísïksï uénaspti Josue ka imeri sondaduecha seisi uéxurhini uarhiperani máteru iretechani jingoni astakaksï niárapka mínguarhini iámindu Echerini enga Jeoba aiakuapka. Tátsekua, engaksï mínguarhipkia iámindu echerini uénasptiksï arhukuni para Israeli anapu iretecha.

Ma jurhiatikua enga Josue tʼarhepipkia, iámu nasionini tántaspti, ka míatantaspti iámindu ambe enga Tata Diosï úpka imecheri ióntki anapu parientembechani jimbo, ka uinhaperaantaspti parakaksï no méni jurajkupiringa Tata Diosïni. Joperu enga Josue ka imeri pámpiricha uarhipkia, israelitecha jurajkusptiksï Jeobani ka uénasptiksï kómarhiani diosï úkatechani. Mémindu uéntani nóksï kurhajchaspti Tata Diosïri juramukuechani, 300 uéxurhini isï ísïksï jámaspti. Engaksï no kurhandiaenga, Jeoba jurajkuasïrendi eskaksï filisteuecha ka máteru ikiatspiticha uarhiperapiringaksï imechani jingoni ka nóteru kuájpiantasïrendia. Joperu engaksï jarhuajperata kurhakuenga, ima méntkisï erakusïrendi nemani para pʼimutaantani. Niáraspti erakuani dose pʼimutantspiticheni, engaksï arhinhaenga juesicha.

Libru enga Bibliarhu jaka enga i ambe uandajka, uénasïndi uandani juesi Otnieliri ambe, ka kʼamarasïndi uandani ima achatiri sánderu uinhapiti enga irekapka echerirhu: juesi Sansoni. Iámindu ambe enga Juesicheri libru jimbo uandajka, jorhendasïndijtsïni ambe ma enga kánikua jukaparhakueka: engachi kurhajchaka Jeobani sésijtsïni nicheati, ka engachi no kurhajchaka no sésijtsïni nicheati.

(Pʼitakata jarhasti libruecharhu Josué, Jueces ka Levítico 18:24, 25.)