¿Ambe úkuarhispi engaksï Satanasini kasu úkupka?

Adani ka Eba nóksï kurhajchaspti Jeobani, jimboksïsï uarhiti (Génesis 3:6, 23)

Eba kurhajchaspti akuitsini ka arhaspti frutani. Tátsekua, Eba íntskuspti Adanini ka imajtu arhaspti.

I ambe engaksï úpka: pekadu máespti. Jimbosï Tata Diosï petantaapti paraisurhu uératini.

Imaksï ka imeri uájpecha, úndasptiksï kómu nitamakuarhini. Úndasptiksï tʼarhepini ka uarhisptiksï. Engaksï uarhipkia, nóksï auandarhu niraspti ka ni máteru nani ísï, sino jima kʼamarhukuspti imecheri tsípikua.

Uarhirichaksï tʼupuri úkuarhintasïndi ka nóksï ambe ma úsïndi úni (Génesis 3:19)

Iáminduchi uarhisïnga jimbokachi Adani ka Ebaeri uájpeska. Uarhirichaksï no úsïndi exeni, kurhaani, ni úni ambe ma (Eclesiastés 9:5, 10).

Jeoba no uékasïrendi eskaksï kʼuiripuecha uarhipiringa. No ióni jimbo tsítantauati uarhirichani. Ka engaksï kurhajchaaka, irekaatiksï para méntkisï.