¿Néski Jesusi?

Jeoba axasti Jesusini Echerirhu (1 Juanu 4:9)

Ante de Jeoba kueraani Adanini, jini auandarhu kueraaspti ánjili uinhapitini ma. Ka Jeoba uékasïndi eskachi kurhajchaaka ini ánjilini.

Tátsekua, Jeoba úspti eska uátsï ma enga arhinhaenga Maria, kánguarhipiringa ini ánjilini komueska charhaku ma. Ka i Beleni andajpenuspti. Ka Jesusiksï arhiraspti (Juanu 6:38).

Ixú Echerirhu, Jesusi kánikua sési xarhatasti na enga jásïka Jeoba. Jesusi sési kámpisïrendi, uékpisïrendi ka né uéjki úsïrendi andarherani. Ístu no sáni chéparini, jorhentpisïrendi jurhimbikua Jeobaeri ambe.

Ikiakusïrendiksï Jesusini nájkiruka ambakiti ambe uáenga (1 Pedru 2:21-24)

Jesusi ístu tsinaasti pʼamenchatichani ka tsítantaasti máru uarhirichani.

Religioniri orhejtsïkutichaksï kánikua ikiakusïrendi Jesusini, jimboka ima uandantasïrenga na engaksï ima no jurhimbikua jingoni jorhentpienga ka na engaksï jarhati kʼuiripuepka.

Religioniri orhejtsïkutichaksï ústi eskaksï romanuecha atapiringa Jesusini ka eskaksï uándikupiringa.