PARTI 9

¿Echeri káni paraisu ma úkuarhinta?

Ambe enga iásï úkuarhini jaka, xarhatasïndi eska Jeobaeri Reinu janoxakaia (Lukasʌ 21:10, 11; 2 Timoteo 3:1-5)

Problemecha engaksï kánikua xarharajka ini jurhiatikuecha jimbo: chʼanakua para tumina andani, guerrecha, pʼamenchakuecha, kʼarhingua, no kurhajchani tátichani ka no sési kámberani kʼumanchikuarhu

Biblia uandasptia uánikua ambe enga iásï úkuarhini jaka. Uandaspti eska kʼuiripu kánikua tsitipiringa tuminani, eska kánikua kurhurjaxepiringa, ka eska sánderu tsitipiringa pekadu ambe úni. Ka eskaksï uájpecha nóteru kurhajchaapiringa tátembechani.

Ístu Biblia uandaspti eskaksï kʼérati jenchekuecha japiringa, uarhiperakuecha, kʼarhingua ka kʼérati pʼamenchakuecha. Ka i ambesï úkuarhini jati iásï.

Jeobaeri testigu ma eianguxati achatini ma ambakiti eianhperakueri

Jesusi uandaspti eska ambakiti eianhperakua Diosïri Reinueri, eianhpinhapiringa iápurhu Parhakpinirhu (Mateu 24:14).

Tata Diosïri Gobiernu kʼamajkuauati iámu no sési úrichani (2 Pedru 3:13)

Kʼamajkuasïmndiksï no sési úrichani Armajedonirhu ka tátsekuaksï kastigarisïndi Satanasini ka imeri demoniuechani

No ióni jimbo, Jeoba kʼamajkuauati iámu no sési úrichani.

Ístu Satanasi ka imeri demoniuecha kastigarinhaatiksï.

Auandarhu, Jesusi uaxakasïndi imeri tronurhu; kʼuiripuecha engaksï mámaru ísï anapueka tsípisïndiksï

Imecha engaksï kurhajchaaka Tata Diosïni, irekatiksï jimbanhi parhakpinirhu, ka nóteruksï chétapu jingoni irekaatia. Iáminduksï uékperati ka mintsikperanksï.