Pablueri sobrinu kánikua tsʼiuespti

Eianguakakini tumbiri ma enga úpka eska apostuli Pablu no uándikunhapiringa. Nochi mítiska na enga arhienga, peruchi mítiska eska Pablueri sobrinuespka. Tumbi máespti enga kánikua tsʼiuepka. ¿Uékasïniri eskani eianguaka ambe úspi?...

Pablu ónhakata jarhaspti Jerusaleni. Ónhasptiksï jimboka aianhpisïrenga Jesusiri ambe. Peru jarhasptiksï máru engaksï ikiakuenga Pabluni, ka engaksï eratsini japka no sési ambe úkuni. Uékasïrendiksï nirani arhini jeferi sondaduechani: “Arhia chíti sondaduechani eskaksï paaka Pabluni tribunalirhu”. Imaksï jirikuarhipirindi xanharu jimbo ka enga Pablu jimesï nitamapiringa, ¡imaksï uándikupirindi!

Pablueri sobrinu mítisïndi ini ambe. ¿Ambe úpirini? Niraspti tiu jembani aianguni. Ka Pablu arhispi: “Ni kókuani jeferi sondaduecha jingoni ka iámindu ambe eianguni”. No fásilispti i ambe úni, jimboka jefe sondaduecheri kʼéri ambespka. ¿Balori jukapirini Pablueri sobrinu para imani jingoni uandontskuarhini?... Jo, ima no chéspti ka iámindu ambe aianguspti.

Sondaduecheri jefe, kánikua jingontku kurhajchaspti. Ka para úni kuájchakuni Pabluni, máteru nani axapti, iretarhu ma enga Sesarea arhinhaenga. Ka arhispti 500 ísï sondaduechani eskaksï pámbitapiringa Pabluni. Arhiaspti: “I mísmu chúrikua pá je”. ¿Tsípiti pakaraspi Pablu, oksï uándikuspi ima no sési úricha? ¿Nari exesïni?... ¡Jo, tsípiti pakaraspti! Ima kʼuiripuecha no úspti atani.

¿Tsitiskiri ini uandantskuani?... ¿Exeskiri eska Pablueri sobrinu kánikua tsʼiuespka? ¡Tʼujturi uáka májkueni tsʼiueni eska ima! Uétarhisïndi no sáni chéni para Jeobaeri ambe aianguni kʼuiripuni. ¿Nori chéa ka seguiriuari uandantani Jeobaeri ambe?... Kánikua jukaparhakuesti seguirini uandantani Tata Diosïri ambe. Ísïksï uáti uánikuecha pʼímutantskateni.