PIREKUA 55
¡Asï jáma chérhiani!
1. ¡Asï jáma chéni, juchiti ireta!
Reinueri ní aianhpinia,
ní balori jingoni uandani
eska no ióni jimbo juuaka.
Jesukristu jini auandarhu
niárastia ambantskantani.
Noambakitini jupikaati,
ónhakata pakataatia.
(KORU)
Asï jáma chéni, juchiti ireta,
no nemakini uáti andani,
jimbokakini kánikua uéksïnga
jíkini kuájchakuni jauaka.
2. Tʼuri jindeska juchiti ireta,
jimboksïsï uánikua jati
engaksïni no sési arhijka
oksïni uékani támisï páni.
Máruksï jámaati no sési kámpini,
asï jáma chérakuarhinia.
Asï mirikurhi jíkini kuájpeaka,
ísïri uáka tekantania.
(KORU)
Asï jáma chéni, juchiti ireta,
no nemakini uáti andani,
jimbokakini kánikua uéksïnga
jíkini kuájchakuni jauaka.
3. Asï jáma chéni, ixú jarhaski jí,
asï jandiajku pʼíkuarheria.
Engari niáraska tʼu uarhini,
jíkini tsípikua íntskuntaaka.
Asï jurajku eskaksïni chéraaka,
nóksï uinhapitisti ima.
Asïrini méni jáma jurajkuni,
jíkini no mirikurhiaka.
(KORU)
Asï jáma chéni, juchiti ireta,
no nemakini uáti andani,
jimbokakini kánikua uéksïnga
jíkini kuájchakuni jauaka.
(Ístu exe je Deut. 32:10; Neh. 4:14; Sal. 59:1; 83:2, 3).