Ju je uinhaperperani parachi tsípikua jingoni úni ambakiti ambe

Ebreu 10:24 arhisïndi: “Jaue jirinhatsperantani modu nani engachi na uáka jarhuatperani [o uinhaperperani] parachi úni uékperani ka ambakiti ambe úni”. Uákachi uinhaperantaani máteruechani juchari ejemplu ka uandakuecha jingoni engaksï xarhatajka mintsikakua. Ka engachi jatsiaka ambakiti experiensiechani aianhpikueri, ju je eianguani máteruechani. Jurajkuksï exeni na engachi tsípini pʼikuarherajka Jeobani marhuakuni. Peruchi no jámaaka terokutani jucha jingoni o máteruecha jingoni (Gal. 6:4). Ju je jarhuataani máteruechani paraksï “uékperani ka ambakiti ambe úni”, ka no úni eskaksï ambakiti ambe uáka jimbokaksï no sési pʼikuarherasïnga (exe je libruni Benefíciese, pájina 158, párrafu 4). Engachi xarhataska uékperakua, ambakiti úkuechaksï komueska jarhuatani máteruechani jatsikuarhikua ambe jimbo o eianhpikua jimbo, jandiajkuksï xarharaati (2 Kor. 1:24).