Jorhenguarhi je néna sánderu sési aianhpeni: jatsiparini nemani engajtsï íntsantaani jauaka rebistechani

Andisï jukaparhakue. Uánikuechaksï tsitisïndi arhiantani juchari rebistechani peruksï no uékasïndi estudiarini Biblia jucha jingoni. Jamberi jimbokaksï agustu jaka imecheri relijionirhu, o jimbokaksï no jatsiska tiempu para estudiarini. Peru jimbokaksï seguidu arhiantasïnga rebistechani, sánhani arhisïndiksï uékani mítini Tata Diosïri Karakatani (1 Ped. 2:2). Jamberi tema ma uáti mintsitarhu niárakuani, o mójtakurhini imecheri irekua. Engachi seguidu pʼorhembiaska, sánhani arhiatiksï agustu pʼikuarherani jucha jingoni ka mítiakachi ambeksï tsitisïni ka ambeksï uandanhiasïni. Ka tátsekuachi uáka uénani estudiu ma.

Néna úni:

Mándani kutsï, pákunta je jimbanhi rebistani La Atalaya, uákajtsï pʼorhembini máteru jurhiatikua parajtsï pʼímarhini arhintani tema ma rebisteri engajtsï jurajkukuka o para jurajkukuni publikasionini enga ima kutsï úrakuarhiaka. Kara je iámu ambe rejistrurhu ma. (Exe je Nuestro Ministerio del Reino enerueri 2014, pájina 3.)
Prepararikuarhi je engajtsï niuaka pʼorhembini. No solu uétarhisïndi jurajkukuani rebistechani, sino ístu sési uandontskuarhikuni ka eska sánhani arhiaka interesi jatsini.
Listu ja je parajtsï uénani estudiu ma enga modu jauaka. Engajtsï jurajkukuni jaka nemani rebisitechani ka engaksïni kurhamarhiaka ambe uandasïni Biblia temeri ma, páku je publikasioni ma para estudiarini enga jukaka mókuntskua ka márku exe je. Ka engajtsï kʼamarani jámakia, ú je kurhamarhikua ma ka máteru jurhiatikua mókunta je. Engajtsï seguidu pʼorhembini jaka ka uandontskuarhikuni úraparini Biblia o publikasioni ma para estudiarini, estudiu máestia. ¿Jurajkukuskijtsïa foietuni Ambakiti ambe ka exeraskijtsïa néna estudiarini Bibliani máru minutu jimbojku? O úpiringajtsï exerani bideuechani ¿Andisï uétarhijki jorhenguarhini Bibliaeri ambe? ka ¿Néna úkuarhisïni estudiu bíbliku ma? Nájkiruka kʼuiripu ióntki no uékaenga estudiarini, imeri irekua uáti mójtakurhini. ¿Andijtsïsï no aiakujki ménderu estudiu ma?

Ú je ini ambe ini kutsï jimbo:

Ú je lista ma kʼuiripueri engajtsï úpiringa íntsantaani jarhani rebistechani. Aiakua je jimbanhi rebistechani, ka arhia je eskajtsï tátsekua pákuauaka sánderu jimbanhechani.