Ju je eianhpini eska jarhaska ‘uéxurhini ma enga Jeoba kóntpintajka’

“Uéxurhini enga Jeoba kóntpintajka” no meru ma uéxurhini arhikuekasïndi

61:1, 2

• Tiempu máesti enga Jeoba íntskujka ambakiti kʼuiripuni para jiókuarhini eianhpikuani pʼímutantskueri.

• Primeru siglurhu, “uéxurhini enga Jeoba kóntpintajka” uénaspti 29 jimbo enga Jesusi úndapka aianhpini ka kʼamaraspti ‘jurhiatikuarhu enga Jeoba bengarikuarhipka’, uéxurhini 70 jimbo enga Jerusaleni kʼamajkunhapka.

• Iásï, “uéxurhini enga Jeoba kóntpintajka”, uénasti 1914 jimbo enga tata Jesukristu intsïnhaka juramukua auandarhu ka grani tribulasionirhu kʼamaraati.

Jeoba újchakurasïndi imeri iretani ‘kʼérati anhatapuecha jingoni jurhimbikueri’

61:3, 4

• Sánderu kʼérati anhatapuecha parhakpiniri, márkuksï kʼésïndi para boskechani uáni ka i ambe úsïndi eskaksï jarhuajperaaka.

• Anhatapuecheri sïranguechaksï tepekurhisïndi ka marhuakuasïndiksï paraksï kʼérati janikuecha no kuaskuani.

• Sánderu kʼérati anhatapuecha, kuájchakuasïndiksï kʼumanda jimbo sánderu sapirhatichani ka chkurhicha engaksï uekorhijka, marhuakusïndiksï echerini.

Interu parhakpini, kúnguarhikuarhu anapu erachichaksï jatsisti jarhuajperata ka kuájchakukua ‘kʼérati anhatapuecheri jurhimbikueri’, engaksï jindeka erakukatecha espiritu santu jimbo, engaksï útasï Echerirhu jaka.