Tsípikua jingoni eianhpi je ambakiti ambe

¿Ménisïjtsï úkua jukanchasïni uérani aianhpini? Uánikuachi uandapiringa eska jo, peru ¿andi? Jamberi jindeti jimbokachi sáno méntkisï exentasïnga nemani engajtsïni no uéjka kurhajchani, ojtsïni no sési kámani, ochi no pʼindeni imani jingoni uandontskuarhini engachi no mítika. I ambe úsïndi eskachi nóteru tsípikua jingoni jámaakia, peruchi Tata Diosïni ma marhuakusïnga enga kánikua tsípijka, ka ima uékasïndi eskachi tsípikua jingoni marhuakuaka (Sl 100:2; 1Ti 1:11, Traducción del Nuevo Mundo). Ísï jimbo, jatsiaskachi tanimu rasoni parachi tsípikua jingoni eianhpini.

Primeru jindesti eskachi íntspesïnga eianhpikua ma erokuarhikueri. Nájkiruka kʼuiripu sánhani arhini jaka nóteru jatsinia erokuarhikua ma, uákachi úni eskaksï tsípini pʼikuarhinhiaka, íntsaaparini ambakiti eianhperakua (Isa 52:7). Ka ístu, ambakiti eianhperakua Tata Diosïri Reinueri, uátijtsïni sési pʼikuastani juchantsïni. Ante de uérantsï eianhpini, eratsianta je kóntperatechani enga Reinu juauaka Echerirhu.

Segundu, eianhperakua engachi uandantajka, marhuakusïndi kʼuiripuni imeri irekuarhu ka Tata Diosïri ambe jimbo, jimbokaksï úsïnga jurajkuani no sési járhati pʼindekuechani ka jatsini erokuarhikua ma para méntkisï irekani (Isa 48:17, 18; Ro 1:16). Eranhaska je eskachi reskatistecheska ka eska nájkirukaksï jaka máru engaksï no uéjka salbarikuarhini, seguiriuakachi jirinhantaani imechani engaksï uéjka salbarikuarhini (Mt 10:11-14).

Tersera sánderu jukaparhakuesti: juchari eianhpikua kʼéri ambe arhisïndi Jeobani. Ima kánikua jukaparhasïndi ini ánchikuarhitani (Isa 43:10; Eb 6:10). Ka ístujtsïni kánikua espiritu santu íntskusïndi parachi úni kumplirini ini ánchikuarhitani. Ísï jimbo, ju je kurhakuni eskajtsïni íntskuaka tsípikuarhita enga espiritu santu jimboeka (Gal 5:22). Jeobaeri jarhuajperata jingoni, uákachi no sáni chéparini eianhpini ka orhepani uérakuni imani ambe engachi úkua jukanchajka (Uk 4:31). Ísï jimbo, ia sea engajtsïni kʼuiripu kurhajchaska o nómbe, tsípikua jingonchi eianhpiaka (Eze 3:3).

ENGAJTSÏ EXEAKIA BIDEUNI NA ENGANI ÚKA MÉNDERU TSÍPIKUA JINGONI MARHUAKUNI JEOBANI, MÓKUANTA JE ARINI KURHAMARHIKUECHANI:

• Nájkirukachi uánikua ora eianhpiaka ma mesi jimbo, ¿andichisï jatsi para sánderu jukaparharani juchari jorhenguarhikua?

• ¿Nénachi uá májkueni úni eska Maria?

• ¿Nájtsï jatini arhutasïni tiempu para eratsintani Bibliaeri ambe?

• ¿Ambejtsï sánderu tsitisïni aianhpikueri?