KRISTIANUECHERI IREKUA
Ju je ambakiti pʼindekuechani xarhataani eianhpikuarhu
Para kʼuiripu, kristianuechachi ísï xarharasïnga komueska ambe ma engaksï jingoni uáka tsípikuarhini (1Ko 4:9). Jimajkani, jatsiskachi para mítitini jarhani eskajtsïni máru kʼuiripuecha uáka bentanarhisï exeni jarhani, ojtsïni puertarhu péxu uératini kurhaani jarhani. Parachi úni ambakiti pʼindekuechani xarhataani eianhpikuarhu, ju je méntkisï miáni arini ambe engachi exeaka (2Ko 6:3).
JUCHARI JÁNGUA (Flp 1:27)
Uétarhisïndi respetariuani kʼumanchikuarhu anapuechani no eraataparini jarhani kʼumanchikuarhu. Engachi puertarhu jauaka, nochi jatsiska para arhani jarhani ambe ma, telefonu jimbo uandani ni mensaji axaani.
JUCHARI UANDAKUECHA (Ef 4:29)
Engachi erokuarhini jauaka paraksï mítani puertani, nochi uandontskuarhiaka imani ambe engachi no uéjka eska kʼumanchikuarhu anapu kurhaauaka. Máru aianhpirichaksï mejori nóteru uandontskuarhisïndia paraksï úni eratsini ambeksï uandaa.